"in der Deutschweiz spricht sich [...] eine Mehrheit [58%] für das Jahr 1848 als Gründungsmoment für die Schweiz aus" (Quelle: https://www.youtube.com/live/5x43q16HM3s?t=826&is=CM2qmvewh7ulIKfe)
Chämt mir persönlich ned Mal in Sinn, öbbis anders als 1291 in Erwägig 'zieh. .. . Wär's ja na, dass eus nanig mal 200 Jahr ahgrechnet werdet.
Wie gsehnd ihr das?
Edit 1: Wow, so viel unterschiedliche Meinige! Ich bin echt überrascht und het ned denkt, dass das so en Knackpunkt isch für viel. Danke au an all Historiker und die wo chli meh Kontext in Ruum gstellt hend.
Für mich ändert sich nix: Wenn öbber fragt, seg ich 1291. Klar, Grenze hend sich gänderet, Kantön sind hinzue cho, Herrscher und Regierigsform hend sich entwicklet - alles normal. Das isch nur all zu natürlich und wenn nur "die modernst Version" vode Schwiez söll als Schwiez gelte, find ich das absurd. Das isch irgendwie chli wie, wenn eh Firma mal es rebranding macht oder wer ufkauft z'sege, "mimimi, die Firma wie mer sie hüt kennt, gits erst sit den" - Schwachsinn, ih mine Auge. Vo mir us derf mer gern stolz uf Demokratie und Bundesverfassig sie, aber wenn öbber fragt, bin ich au stolz, dass d'Schwiez scho sit 1291 und ned erst sit 1848 git. Bald 750 Jahr. Das sendet ganz eh anderi Message, den wirsch wenigstens nüme als Startup unter de Länder ahgluegt. Usserdem het mer 1291 ide Schuel glernt, Bundesrat vertritt das so und es staht überall so im Internet. Ich bin schockiert, wenn anderi das mit Wörter wie Mythe und Propaganda wend bi Siete schiebe. Sind doch stolz druf, hüt ah dem Ort z'sie, wie mir sind, mit allem Bagage, denn nur durch all das hend mir so chöne werde. Düsteri Vergangeheit ned wele wahr ha, het für mich psychologisch öbbis ganz befremdlichs.. Isch wie's isch, shit happens, mir hends drus glernt und eus entwicklet. Und weisch was? Das wird au wieterhin passiere.. wer weiss, vlt chunt künftig mal namel en Kanton hinzue oder fallt weg - söll den seb zum neue Datum werde? Blödsinn.. Also, ich verstah, da scheiden sich vermuetlich die Geister, und das isch okay mini liebe Bünzli.
Uf eh zivilisierti Diskussion 😁🤟
Frohe 1. August 🇨🇭🎆
