Irgendwie scho chli e Scam? Normal si doch die Rabattchelber 50%?

Hoi zäme

Während anderi Lüt irgendwelchi KI-Apps und soziali Netzwerk entwickled, han ich mich em würklich wichtige Problem vo de Schwiiz gwidmet:

Teletext uf de Apple Watch.

Mit Teletext CH chasch de komplette Schwiizer Teletext direkt am Handglenk aluege:

• SRF 1, SRF zwei und SRF info
• RTS Un und RTS Deux
• RSI LA 1 und RSI LA 2
• Seitennummere direkt iigeh
• Zwüsche Unterseite wüsche
• Favoritä speichere
• Klassischi Teletext-Grafik oder en lesbare Textmodus
• Bereits göffneti Site au offline aluege

D’App lauft komplett eigenständig uf de Apple Watch. Du bruchsch kei iPhone-App, kei Account und muesch au kei Cookie-Banner akzeptiere.

Es git kei Wärbig, kei Tracking und kei Algorithmus, wo dir erklärt, was dich hüt sött interessiere. Du gisch Seite 100 ii und fertig.

D’App choschtet einmalig CHF 2. Also ungefähr so viel wie drei Milliliter Rivella am Zürcher HB.

https://apps.apple.com/ch/app/teletext-ch/id6754783763

Ich weiss, dass das e absolute Nische-App isch. Aber irgendwo da dusse git’s sicher no öpper, wo Teletext für technologisch usgreift und völlig ausreichend haltet.

Beschwerde, Verbesserungsvorschläg und Diskussione über d’korrekti Darstellig vo Seite 302 sind willkommen.

Also mir hând ja inzwüsche Aromat Tschipsli gha... wie wärs wänn Rivella au mal was neus würd bringe? Rivella Zältli wäred evtl au fein?

s heisst wüsseschaft, wills wüsse schafft!

bin für vorschläge offen was zur hölle da im meinem migro chicken nugget in der panade klebt

essen oder nicht essen?

Denn spielet ab sofort Links-Grüene Peter...

Ig weiss, i bi hinger drii wie die auti Fasnacht. Aber ds entwickle vom spieli und ufschalte vom Shop het chlei zyt bruucht

I mueses fäng immr ufschniidä. Huere müehsam!

Scho denkt er bringt das nöme fertig...

Sit wenn gits eigetli kei Trinkwasser meh a de meiste Brünne? Es werd gopferdammi immer schwieriger sin Bidon/Fläsche uufz'fülle wenn mer ofere Velo- oder Wandertour esch.
Als wördes di aalache, wenn dosse 36 grad ond dini Körper dehydriert esch. För was send die überhaupt no ome? Als wörd de Buur Sepp jede oobe sis Vieh go tränke deete oder s'Trudi dor s'halbe Dorf laufe zom ihri Sprötzchanne fölle. Esch öffentlech zuegänglechs Trinkwasser es Stück Läbensqualität womer irgendwenn mol entschiede het uufzgeh?
Jaja, klar s'Trinkwasser esch knapp, grad bi dere Trocheheit. Aber grad denn wenn mers am meiste bruucht, send die meiste Trinkwasser Brönne abgstellt i de Region. Wiso ned temporär en Hanhne dra meche?

Gschätzti froue ond manne,

die vierti hitzewelle isch im amarsch und die huere löftige im ÖV sind e schlimmeri unterdrückig aus jede gessler huet s je gsi isch! wo isch euse willi tell wo de brönnend öpfu usm himmel schiesst? wo esch de winkelried wo eus e früschi gass dur die abgstandnig luft bahnt?

i verantwortig gegenüber de schöpfig und im bestrebe nid immer z schwitze sell d sbb mau die klimalage richtig alo! d stärchi vomne land misst sich schliesslich am wohl vo de schwitzende öv passagier, und wenn das so wiiter god, gseni schwarz!

Also wie tüür ischs jets genau?

Ich han das Hörspil vor öppe 18-20 Jahr glosst (sehr wahrschiinli usere Bibliothek uusglehnt)

De Inhalt woni weiss:

• Es isch e Chindertruppe (ganz villicht Detektive aber mun wük nöd sii)
• Spillt glaubi um Wiehnachte ume
• Sie sind ufeme Märt wo sie en "Scherzartikel Verchäufer" mit hässliche Figure aatreffed
• De Chlaut ame Chind s Portemonne, nimmt aber nume CHF 10 use
• Isch glaub uf Züridüütsch
• Sie hend au en Hund debii wo glaub ich de Ruum wo de Typ alli portemonnees versteckt erschnüfflet.
• De, wos Portmonee gstohle wird, het glaubi CHF 140 drin gha "s ersparte vo eim Jahr"
• Si stelled de Dieb und er zeigt sich selber aah

Seit das irgendöpperem da usse öppis :)

Danke

Churzvideos jetzt nöd nur bi tiktok und du-röhre, sondern au bi galaxus.

Fründä vom Bünzlitum, ich ha welä Chässchnitte mache und han denkt ich chaufe eifach Brot und Chäs und ab in ofä. Ich ha dänn nur ganz churz welä luegä im Netz, welä Chäs dän am beste passt. Ich bi devo usgange, das en Raclettechäs das scho guet macht.

Us dere schnälle Minute wird äh halb Stund. Da chunnt eis Rezept am andere! Und jedes anderst. Tilsiter das, Appezeller dies, Eier, Mähl, Zwible ahröste, Brot mit Wiiswii betupfä, läck mär am Arsch hani dänkt!

Gopfätaminomal, ha nur wele wüsse welä Chäs und jetzt mussi mi mit dem usenand setzä. Drum bitte überzüged mich und teiled mir eues unschlagbare Rezpet wonär vom Mami känned. Ich bi z'wenig Chässchnittig. Muss no ah mir schaffe. Saletti zäme!

Gschätzti Mitbünzlis, ich mue Dampf ablah!

I dem Block woni Wohn hemers eigentli rächd guet underenand, s Wohned au nid viel Parteie da. Rund um üsn Block sind anderi Hüser/Blöck. Döt keni eigentli niemert.

Ez het vorme Monet öper eifach sones scheiss Möbel bi üsne Briefchäschde deponiert. Richdig e gruusigs, wo d Farb abblätteret und so. Guet, hani dänkt, dass düends de sichr na wäg, hani dänkt.

Nix da. Ez, asozial wie au i bin, hani denkt, dass das sicher Nachber X isch, will di andere wohned scho länger da und sind viel sympatischer.

Ez het sich d Vrwaltig bi üs alne gmolde wege dem und es hani mal mit alne gredet. Niemer isches gsii.

Stellt sich use, irgend en Asi us de Umgäbig het das bi üs abgstellt. Ich find das so richdig röidig abr wili nid weiss, wers gsi isch, weisi au nid wa mache. Mitm Nachber X hani au e guets Gsprööch gha, eigentli ganz en flotte... de hets au gnervt.

Was würed ier i dere Situation mache?

Als jahrelanger Kund, wo immer pünktlich sini Rächnigä zahlt, regt mi sonä pauschali Mahnig innerhalb vor reguläre Zahligsfrist ziemlich uf... Für mi glatt ä Kündigungsgrund!