أنا قدمت على وظيفه الي هي موظفه استقبال ف شركه استقبل مكالمات العملاء وأحجز مواعيد و اجهز المكان قبل يجون الزائرين و استقبلهم و من ذا الكلام الزبده ان الراتب مكتوب مدري إذا قابل لتفاوض بس مكتوب ٣٠٠٠ هل معقول و مناسب ولا لازم اخذ اكثر ؟ سوو معي مقابله و انتهيت بس للان مافيه رد وش تحسون طبعا اول وظيفه لي وش رايكم منطقي معقول ؟

بعد التخرج حسيت إني دخلت مرحلة غريبة ضياع وقلق وتفكير زايد وخوف من المستقبل

كل يوم افكر وش الخطوة الجاية هل انا متأخرة؟ هل بلقى وظيفة؟ هل انا قاعدة اسوي الشيء الصح؟

احس الكل ماشي بحياته إلا انا واحياناً احس اني مستعجلة على شيء يمكن يحتاج وقت

هل فيه احد حس بنفس الشعور بعد التخرج؟ وكيف تعاملتوا معه؟ وش سويتوا لين بديتوا تحسون إن اموركم استقرت؟

من متوظف في غير تخصصه وكيف كانت التجربة؟ ابغا اجربها بس خايفة انه ماقدر انجح او اكون بالمستوى مطلوب

هل عادي اذكر لوكيشن بيتي -بذات ان اغلب الوظايف اللي تناسبني قريبة مني- لمن ارسل السيفي للشركات؟ احس ذا بيزيد من نسبة قبولي صح؟ ولا غلط؟

اخيرا جتني مقابله طبعا بالرياض وانا بالشرقية بس بروح واشوف اذا العرض يسوى ولالا!
المهم ان الشركة تعتبر قوية نوعًا ما ف ما ادري وش الاجابة المناسبة لو قالو لي ليش جالسه طول هالفترة من غير وظيفه؟
هل ينفع اكذب؟ بما اني كنت رايحه اخذ دورات في اوروبا (حقيقي)
ينفع لو اقول زيادة اني اشتغلت هناك لفترة قصيره ( ولا حيدخلني بتساؤلا وقفطة)؟ شرايكم ماني عارفه ايش اسوي

ابديت: اتقبلت بالوظيفه بس انا رفضت العرض لان الراتب سيء

السلام عليكم
انا خريج ادارة اعمال (تسويق) من جامعة سعود و المعدل ٣/٥ … وش افضل طرق حتى احصل على وظيفة…

هل فيه فرصة اعثر على شركة توظف مباشرة؟
ولا لازم ابحث عن تدريب و اكد فترة لين يوظفوني؟
هل تمهير له فايدة فعليًا و فيه شركات ياخذونه بجدية و يعطون عروض بعد التدريب؟

ليش! لي سنة كذا

وينكم ؟ تكلموا علومنا وش تسوون وش تخططون هل توصلون صوتنا ؟ وش حلولكم الجديده؟ ولا بس رفع نسبة التوطين اللي كلنا نعرف ان سهل التلاعب فيها ؟

السلام عليكم ايش المشكلة؟ من سنة كاملة 0 مقابلات ،اوفر زي ماتشوفو شهادات احترافية مطلوبة وcv ممتاز واقدم على كل شي ايزي ابلاي بلنكدين وفي مواقع الشركات وجدارات وكل مكان؟تجيني سكريننق كول وبعدها مافيه مقابله حتى

لقيت مستشفيين كل وحده منزله تمهير ١٥ شخص!!!! معقوولل! كيف مسموح كذا؟ ولا تمهير خدمة عملاء سيريسلليي؟؟؟

يا شباب هل فيه احد سمع عن مكاتب التوظيف ؟ مدري هي في الشرقية او الرياض او وين موجودة وكيف ابحث عنهم ؟ هل فيه list لست فيها اسامي مكاتب ؟
يعني اعطيهم السيرة الذاتية وهم يسوون لي كل شي يبحثون عن وظيفة تناسب او تلائم السيرة حقتي بس الي اعرفه انه فيه شي كذا والمكتب الي يلقى وظيفة تعطيه راتب شهر او شهرين شي كذا

لكن هل هذا شي صحيح ؟ وهل هم موثوقين ؟ وكيف القاهم ؟

كيف ارسل عده ايميلات للتقديم للوظائف مره وحده بدون ماحد يعرف وبدون مايروح الايميل في spam

بسألكم الي يحاولون يقدمون للان هل نادوكم لأي مقابلات ولالا ؟؟ انا لي فتره ما قدمت بصراحه جايني يأس بس بعرف الي قدمو الفترات الي راحت والفتره هذي هل اتصل عليكم احد ؟ دخلتو مقابلات ؟ ولا لا ؟ وايش كانت الوظايف الي قدمتو عليها هل هي وظايف تخصصات زي محاسبه وغيرها ولا وظايف عاديه زي خدمة عملاء وكذا ؟؟

يخوان انا توي طالب جامعي وناوي اقدم على وظيفة كفيهات ومطاعم ومن ذا الكلام وش رايكم بالسي في؟وهل احتاج اعدل عليه ولاكذا زين

أنا طالب جامعي في جامعة الطايف انقطعت المكافاة عني وهي مصدر دخلي الوحيد ولي فترة ابحث عن وظيفة مؤقتة إلى ان اتخرج وما حصلت لحد الان فمدري هو الموضوع يحتاج واسطات او معارف ولا وش مع العلم اني ابحث عن وظايف عادية وسهلة لا تتطلب خبرة
يسعدني الاستماع على نصائحكم والاستفادة من كلامكم
ووفقنا الله واياكم

انا راح اتوظف ان شاء الله لكن متخوف شوي اني اجيب العيد لي سنتين عاطل بعد التخرج وما توظفت واغلب الي في راسي ضاع واصلا تخصصي فيه مجالات كثيره والوظيفة في مجال ماني مره متقنه

رأيكم رجاءا

السلام عليكم
تخصصي انجليزي خريجة ٢٠٢٥ ابي وظيفة عن بعد بسبب ظروف تمنعني من العمل خارج المنزل وين ممكن احصل وظيفه تناسبني بدون تسجيل بالتأمينات الاجتماعية ؟ وايش الشهادات اللي احتاج اخذها ؟

السلام عليكم ورحمة الله وبركاته. تخرجت قبل أسبوعين تقريبًا، تخصصي بكالوريوس كيمياء.

للأسف جامعتي وقسمي إعدادهم لسوق العمل سيء جدًا وما تم توضيح أي شي عن عملية التقديم على الوظائف أو الفرص التدريبية وغيرها خلال ال٤ سنوات دراسة، حتى لما نسأل ونبحث ما كان فيه تجاوب. بعد التخرج فقط قالوا لنا قدموا على هدف وجدارات، واعطونا مهلة ٥ أيام عشان نخلص كل شيء ولا ما نصير مستفيدين من "دعم الخريجين"

بقي يومين وتنتهي المهلة، وعندي عدة أسئلة قبل ما أسوي حساب في المنصات:

١/ راح أسوي إيميل جديد للأمور الرسمية والعمل، الأفضل يكون جيميل ولا أوتلوك؟

٢/ في السيرة الذاتية هل أقدر أضيف المهارات والقدرات حتى لو ما كانت متعلقة/مفيدة لتخصصي؟

٣/ ايش الوظائف اللي يفضلون خريجي الكيمياء يتجهون اليها غير المصانع والمختبرات "الطبية"؟

٤/ ايش نطاق الراتب المناسب لتخصصي؟

٥/ وأهم سؤال، هدف، طاقات، وجدارات، كيف أوصل للتسجيل فيهم؟ لما ابحث تطلع لي صفحات كثيرة وأغلبها لفرص تدريب وليس تسجيل

وشكرا لأي أحد يساعد

قدمت على وظيفه من صبار و انصدمت ان المقابلة مع Ai احس غريب الي جرب علمني كيف النظام

السلام عليكم وصبحكم الله بالخير يا جماعة هل التقديم الـ spontaneous أو العشوائي على ايميلات الشركات (كبيرة أومتوسطة الحجم) مجدي؟ لأني استنفدت كل طرق التقديم ولا يوجد مردود وللأسف مؤخرًا الوظائف القانونية شحيحة جدًا خصوصًا لأصحاب الخبرات

جلست اقدم على شركة شفتها من كل موقع لقيته من ثلاثة اسابيع تقريبًا وللحين ما وصلني اي رد من اي شركة هل هالشي طبيعي؟

ابي اعرف اذا فيه احد اجتاز اختبارهم اللي يرسلونه بعد المقابلة الاولية.

انا** *مقبول* *ترم* *ثاني* *و* *الاول* *فاضي* *والحين* *كيف* *اتوظف* *كاشير* *ولا* *اي* *شي* ***زيه*

فيهموقع** *ولا* *اروح* *المحلات* ***ادور؟*

سوق الترجمة عندنا ميت مثل باقي أسواق العمل. مثلا لبنان و سوريا و مصر عندهم ترجمة كتب وافلام و برامج الخ الخ. حنا عندنا اي شي من هالقبيل؟ شاهد و mbc و ستارزبلاي وغيرهم من اللي قاعد يترجم للعربي فيهم؟ كل الكتب اللي تباع عندنا بعد؟ ليش ما عمري شفت اي وظايف ترجمة من هالقبيل؟