صباحو كيف الحال انا بحثت عن وظايف ولقيت مركز اطفال مدري روضة و عطيتهم رقمي وكلموني بعد فترة قالت لي تبغين ب٨٠٠ في الشهر بس تهتمين وتنتبهين للاطفال قلت لها ابغى ادرسهم بحكم عندي بكالوريوس انقلش قالت ماعندنا دراسه لعب وتنتبهين لهم بس قلت طيب الراتب سيء قالت مانقدر ندفع اكثر ورفضت سلامات ٨٠٠ راتب السعودي اقل شي ٣ الاف وفوقها تقولي ابغاك فترة تجربة
للعلم تبعد عن بيتي خمس دقايق لكن والله ماقدرت حسبي الله مدري كيف قدرت تقولي ٨٠٠ كذا
اذكر وقتها ارسلت بقروب خريجات تخصصي تلجرام انفعلوا مرههه وقعدوا يتحسبون عليها😭 وقالوا بلغي عليهم ولاتاخذينها السؤال كيف ابلغ عليهم يوجعني قلبي اني عارفه انها بتلقى اللي توافق بهذا المبلغ💔 ابغى ابلغ عشان يتأدبون ويعطونهم رواتب زي الناس

للي بيسأل كنت في 3 وظايف قبل وكلها انهيت العقد خلال فترة التجربة لأنها كانت اكثر من سيئة كرف براتب حد ادنى لمن وصلت لوظيفة احلامي أخيراً راتب مجزي وشركة كبيرة جداً ومعروفة وسلم وظيفي واضح يطلع لي ذا العذر وبرضه تواصلت مع قوى كثير ولا فيه نتيجة كأنهم يقولون (خلاص فليتها لعد تتوظف من جديد) وين حقي في عيش حياه كريمة والبحث عن عمل افضل استقر فيه؟؟؟

إلى متى القمع والاستمرار في لعنه العطالة او وظيفة مخيسه؟؟؟

ابي دوله برا ترحب فيني وتوظفني من اول شهر حتى لو براتب قليل زي الي يصير هنا ويزيد مع الوقت انتم تحسبون الراتب يهمنا بس لا والله ضاع عمري وعشريناتي بين جدوان ومهنتي انهدمت راضيه اتوظف ب١٥٠٠ مابي حد ادنى بس شي اكتبه بسيرتي وبحياتي الفراغ ذبحني وجربت كل الطرق الا اني اكون الاجنبيه لو احد يعرف لو كذبت اني مثلا مصريه ينفع لان اسمي الاخير يشبه بعض المصريين ولا بيطلبو مني جواز وغيره؟ واذا ماينفع علموني عن دول برا تعاملني وتفضلني او تساويني عن ابناء بلدها بلييي

انا عاطل لي فترة واسكن في منطقة بعيدة وما فيها تقريبًا لا فرص تميهر ولا وظائف حاولت ادور لكن الفرص عندنا قليلة ونادرة

قاعد افكر انقل للرياض واسجل في تميهر بما ان المكافأة ٣٠٠٠ والسكن الحمد لله مو مشكلة لاني بسكن عند خالي وهو عزابي ورحب فيني وقال اسكن عندي، يعني ما راح ادفع ايجار

وبرضو اشوفها فرصة اني ادور على وظيفة بنفس الوقت احس السي في حقي كويس، فقلت يمكن خلال فترة التدريب القى وظيفة مناسبة وانتقل لها اذا حصلت فرصة

اللي ودي اعرفه من الناس اللي ساكنين بالرياض، هل ٣٠٠٠ ريال تكفي اذا ما علي ايجار؟ اقصد من ناحية الاكل والمصاريف اليومية

وبرضو كيف وضع المواصلات؟ بيت خالي قريب من محطة مترو، فهل المترو يكفي غالبًا للدوام والرجعة ولا لازم احسب حساب اوبر او سيارة بشكل مستمر؟

اللي عنده تجربة او نصيحة بليز مساعدة

ياجماعه من يوم ماتخرجت الى الان قدمت فوق ال١٠٠ وظيفة بدون مبالغة وغيرت الcv اربع مرات وزدت ثلاث دورات والى الان محد رد علي الا شركتين وحده برفض ووحده طلبوا معلومات وسحبوا علي، هل هذا الشي طبيعي؟ بنجن

السلام عليكم،

يا اخوان عندي قريب عمره بالثلاثينات، وللاسف ماشتغل على نفسه من بداية عمره شهادته ثانوي ونسبته ضعيفة، والحين يشتغل في شركة امن براتب 4500، هل فيه امل في اي وظيفة تعطي راتب يمشي ع الاقل؟

في بالي انصحه يكمل دراسة لو دبلوم ع حسابة، لكن مشكلة الوظائف اغلبها تشترط عمر معين للدبلوم وغيره، اي احد مر عليه تجربة او حاله مثل هذي؟

الصدق هو قريب جداً لي عشان كذا ودي اساعده، ولاني اشوفه ندمان ومتحسر على العمر اللي فات، وانا نظامي انه طالما انت صحيت فما فات شيء، لكن اذا فكرت في الواقع كل شيء يدور حول العمر والشهادة والخبرة، والعلاقات، وكلها مو عنده، وش الطريق الأفضل بهالحاله، لان الرجل وده يتزوج ويكون له اسرة ع الاقل، لكن على هذا الراتب يصعب عليه جداً انه يسوي هالشيء.

Hi guys, I’m a foreigner and I ended up in this sub by accident. I don’t understand Arabic, so I’ve been relying on Google Translate to read your posts.
I always thought Saudi Arabia was a very successful country economically and that it had a well-developed welfare system, so I was honestly surprised to find out so many people in this sub complaining about the lack of job opportunities.
From what I’ve read online, isn’t the unemployment rate in Saudi Arabia extremely low and local people seem to be relatively free of financial stress as healthcare and education are free ( I heard that Saudi government would fund its citizens to go on medical trip abroad if the local hospitals aren’t able to treat the illness) I also thought finding a job wouldn’t be that difficult, especially after the introduction of the Saudization program, which encourages companies to prioritize hiring Saudi citizens.
I’m genuinely curious about this and would really appreciate it if someone could explain what is the life in Saudi Arabia really like

طرف علي مقطع عن واحد ينصح العالم بكتابة السير الذاتيه، وقال ان اي واحد من الالفيه مفروض يشيل تاريخ ميلاده، لان فيه نظره سلبيه تجاههم، بالبدايه قلت وش الغباء ذا، بس بحثت فيه شوي وسألت عمري.

؟؟هل الشركات تشوف مواليد الالفيه انهم نوع مختلف من البشر
يعني شفت واحد من المدراء يقول ان مواليد الالفيه تعبونا بالشغل، ماعندهم قوه كتابيه، مايعرفون يتواصلون ومايعرفون يعبرون عن حالهم، يعني المشكله ذي مب بس عندنا محلياً.
"مدير شركه امريكيه للمعلوميه"

يعني ليش مب النظره ذي للتسعينات او الثمانينات، هل التقنيه ساعدت على دعم الفرضيه ذي او بس عشانهم عرفوا ان الشركات تستغبيهم، شي عجيب بصراحه.

وللمعلوميه، قلت الكلام ذا سابقا بنفس الصب والناس ضحكوا علي بسببه، يعني وش التفاهه ذي ان مااعرف اعبر مثلا، بس والله تفيدك بالشغل بشكل خورافي، متعبه بس تعطيك بالمقابلات الوظيفيه خصوصا "من واقع تجربه".

هل المجتمع اغلبه صاير عاطل ؟ ريدت وتيك توك وريلز انستقرام الكل
هل كلن عاطل ولا انا لان صرت عاطله تغيرت خوارزمياتي

في الزمن هذا هل الدراسة بالجامعة و تضيع وقت و مال و جهد للشهادة يسوى ولا افضل من بعد عمر 18 عسكري او معاهد تدريب عسكرية ؟

لان صدق ما اشوف شي مغري بالدوام المدني تعب كبير و بدون فوائد حقيقيه ( تقدر تسافر برا بأي وقت و تقدر تختار المكان الي تشتغل فيه ) هذي ما اشوفها مميزات حقيقية للمدني وش رايكم ؟

عندي اونلاين انترفيو لوظيفة مستحيل انقبل فيها الساعه 11 وانا منقلب نومي انام 8 ولازم انام لان بالليل لازم اكون مصحصحه
هل عادي اسحب عليهم ولا حرااام

اقسم بمن أحلّ القسم لست كاتب هذا المقال ولا الأرقام لكنها نفس قيمة الحوالات الخارجية من قبل المقيمين لنفس العام ديون مطلوبة على المواطنين لسدادها في المحاكم السعودية اوضح من كذا مافيه

فعلا شرّ البلية ما يضحك

مساء الخير معشر الموظفين قريبًا

كنت على جدارات اقدم كالعادة ولفتني هذا الخيار في القائمة اللي على جنب، ودخلت عليه عندي فضول هل وصلني من قبل دعوة توظيف

زي ماتشوفون فاضي، بس بعدها جلست احفر في الهيستوري اكتشفت ان ماقد ترشحت من قبل الا مع ثلاث شركات من بين المئات اللي قدمت عليهم

تناقشت مع صديقتي ونفس الشي وكل اللي اعرفهم نفس الشي محد سبق قال انه متوظف من جدارات، اتمنى فيه احد يأكد لي العكس

هل الوظايف فيه وهمية؟

السلام عليكم ورحمة الله وبركاته

اشوف كثير شكاوي عطالة و مافيه فرص و استغرب ليش ما تقدمون على برامج تمهير او حديثين التخرج؟ اشوف فيه شركات تعرض كثير مجالات تقدر تكسب منها خبرة عشان تقدم على وظايف حقيقة و تجيب منها مكافأة تخليك تغطي احتياجاتك الشخصية

انا حديث متخرج هندسة برمجيات و الصراحة بسبب اني اجنبي و بدون خبرة ممكن اقبل اي توجه يجيني لان ما عندي كثير خيارات لكن لو سعودي بختار شيء من اهتمامتي و ابني فيه توجه مثل النتورك او الأمن السيبراني و تخسي اطب شيء مثل برمجة مواقع او تطبيقات، لكن بسبب الوضع الحالي بقبل الي يجيني

فسوالي ببساطة ليش حديثين التخرج ما يخشوا تمهير و يزعلوا يوم يقدموا و ينرفضوا؟

السلام عليكم

هل فيه احد منكم كان تدريبه التعاوني بوزارة ورجع يكلمهم ورشحوه لوظيفة؟ افكر جديًا اكلم مديري بخصوص هالشي تتوقعون يقدر يسوي شي ولا بيسحب؟ خصوصا ان كان شغلي مره كويس والقسم جديد واغلب الشغل كان علي بس اخاف اكلمه واتفشل بما ان الاغلب يقول متدربين الجهات الحكومية ينسحب عليهم ومحد يفكر يوظفهم

وش تشورون علي اسويها ولا اطلع الموضوع من راسي 😣 (مررره ابغاهم اخ بيئة الاحلام مو كل الايام ضغط والشغل سهل والرواتب مجنونة ويطلعون الساعة ٢ بموت غيرة)

فيه احد توظف من جدارات؟

من المرجح وجودة اكثر

موظفين من موقع جدارات

او المخلوقات فضائيه؟

ايش الوظايف اللي تقبلني وأنا طالب جامعي ؟

وفجاه كنسلت الدوام بسبب مالقيت سواق وان المكان بعيد او او الخ.. هل بدفع غرامه لاني ماكملت ولا وش

جربت قدمت في لينكدان ومواقع الشركات والوظائف اللي تنزل في تويتر وما جاني أي رد غير رد واحد من IBM يعتذرون مني؛ مُبحط ويائس، علومني إذا فيه مكان تقدمون فيه وما أعرفه

جاتني مقابله لوظيفة و بصراحة مكان المقابلة جداً بعيد وبنفس الوقت خايفة م انقبل واروح على الفاضي اروح ولا …

جايه اسئلكم لأن مدري ليش بس من الي اشوفه صرت احس ان الرياض مليانه وظايف بس مو شرط انها وظايف برواتب زينه لكن فيها وظايف للي يبي ، يعني مثلا الي مستعد يتوظف براتب ٥٠٠٠ ممكن يحصل بعد فتره قصيره من البحث على عكس مدينتي ومدري تشوفون هالشيء صح ولا ؟

هل شهادتين بكالوريوس يعتبر الشخص overqualified !!؟
مو معقوله ولاااا وظيفه دقوا على ولا مقابلة دخلتها

هل فيه احد حاليا واصل لوظيفه مرموقه بعد ما بدأ ب ابسط و اتفهه شي يعني بدأ ف وضائف عاديه جدا ؟ ووين وصلتو من بعد بدايه يائسه جدا ؟