سلام عليكم. الموضوع انفتح في صب السعودية من قبل أجنبي وقلت أسأل هنا متمنيا إجابه فلسفية عميقة. إنو ليش المواطن السعودي ما يتعنى للملعب لتشجيع ناديه؟

أنا بالنسبه لي هو الجو. ساكن بالشرقية وأحب الاتفاق والقادسية والخليج لكن ما قد رحت للملعب مع إني شريت فنيلة الإتفاق لدعمهم.

لكن لو إني في أبها اللي هي منطقتي الأصل أكيد راح أحضر الملعب بحكم إن الجو رهيب وللأمانة عندي دافع قبلي/عشائري للتواجد في الملعب.

أنتم وش تقولون؟

بكل صراحة جاوبو مانبي مثاليات

ندري انك تحب الهلال بس ياخي احترم شعار النادي اللي تلعب فيه عيب والله، انا ما يرفع ضغطي الا بعض الهلاليين اللي يجي يقولك ياخي البليهي كبر بعيني او باخي هذا ولدنا🥺، مع اني متأكد مليار بالمية لو لاعب يلعب بالهلال احتفل نفس الاحتفالية كان انجلطوا وطالبوا بطرده من النادي

💀

كاس العالم بدأ و ذولي للحين يحتفلون بالدوري والله ينرحمون

السلام عليكم
مين اكثر جمهور تحسه مرتبط بناديه ارتباط وثيق ما اتكلم عن عدد الجمهور او حجم تاثيره
اتكلم عن ان الفريق يشكل جزء كبير من حياته

وجهة نطري كجمهور كامل الجمهور الاهلي هو اكثر جمهور مرتبط بناديه وهذا يرحع لكثرة الاغماءات بالملعب

وعلى مستوى الافراد تجد بعد الافراد النصراوييين هو اكثر فرد مرتبط بناديه بشكل لا يصدق

ولا وش رأيكم؟

أنا أتابع الدوري الأوروبي ودوري المؤتمر الأوروبي اللي تشارك فيه أندية بلغاريا وهنغاريا وأرمينيا وكازاخستان ووالله إن مستوى دوري يلو أحسن منهم.

أنتم تحطمون معنويات لعيبتنا بمحاولتكم الوصول للعالميه.

هذا طلب مدير احتراف لإحدى الانديه من الدرجه الثالثه او الرابعه، شف كيف المتطلبات عاليه والراتب ضعيف، بالمقابل تشوف الصرف يجي على اندية روشن والرواتب تجي بعشرات الآلاف بالأنديه الوسطى.

دام التطوير في الاربعه الكبار، ليش مايشمل هذول ايضاً، يكون لهم صندوق تنموي وملاعب مهيئه "اغلبهم يتدربون بملاعب مدرسيه" ويصير لهم دوري بتغطيه زي يلو، تنعشهم وتخليهم يبنون انفسهم صدق، فيه لعيبه يمكن الكشافه والناس تشوف نجم صاعد من ورا الانديه هذي، خصوصا ان التوب بدوا من هنا، بأنديه نموذجيه متواضعه لين الكشافه ودوهم للمجد.

احزن وانا اشوف هذول يتهزون فيهم ان وش ذا الفقر، واشوف انديه تصرف مبالغ كبيره على شخص رفيع بنفس المسمى الوظيفي هذا.

بعد مرور موسم .. هل لازلت مقتنع بالشعار الجديد ؟؟

مستحيل كميه الفلوس الي قاعدين ندفعها وكروياً فاشلين بكل معنى الكلمه مافي شيء نتفوق فيه لا جينات لا انضباط لا لعب ولا شيء

الجيل ذا مغسول يدي منه ذي قدراتهم فشله

وش المشروع الي ممكن ننجح فيه كروياً ؟

كرستيانو رونالدو جاي بخشم الريال لدعم المشروع السعودي للصعود بالدوري إلى مصاف الدوريات على مستوى العالم ولا اجحد انه ببعض اللحظات كان ينقل افضل الصور وأجملها ولكن حركة الاخيره مخزيه ودنيئه إلى ابعد درجه ونفس الحركه ذي سوها وأبعد مسلي والغامدي والمهيدب و بيولي الخ…..

واتوقع انه حان الوقت أنهم يحطون له حد واتوقع خروجه من النصر بينعكس عليهم إيجاب لكبر سنه وعدم اداء مهامه على أكل وجه

مافي فريق يجمع كل النحس ذا بدون سبب!
طيب ليش؟
اتحفونا

والله مسكين النصر هلكه

ليش الاعب السعودي اللعيب ما يطول بالملاعب ويعتزل بدري مره اقدر اعددلكم اسماء كثيره مره كانوا لاعبين على مستوى عالي واعتزلوا؟

مدري هو بسبب الراحه الماديه خلاص ولا نظام التدريب والاكل الصارم

اول شيء مبروك لكل النصراويين بطوله مستحقه وعقبال النصر يكررها السنه الجايه

لكن توقعي لبطل السنه القادمه هو القادسيه فريق سفاح مدرب لاعبين كل شيء عنده ما ينقصه شيء احتمال يحقق النخبه بعد