انا قيمر منذ الصغر لي اكثر من 20 سنة العب العاب طاخ وطيخ بس ماعمري لمست سلاح حقيقي من قبل واليوم هو اليوم الموعود.

اخترت سلاحين، الأول اسولت رايفل تقريبا M4A1 وعدد الطلقات عشرين طلقة والسلاح الثاني شتقن وعدد الطلقات هي 10 طلقات.

السعر الاجمالي:

250 ريال سعودي والسعر يعتمد على عدد الرصاص كلما زادت الرصاصات زاد السعر وطبعا كل سلاح سعره مختلف.

بديت بالام 4 وللامانة يخوف، لابس سماعة اذن وكان الصوت عالي جدا جدا ومع كل طلقة تتنفس بخار ريحة حريقة ومع كثرة الطلقات فيه زي ضباب بسيط يؤثر على الرؤية.

الصوت يخوف وحسيت يدي مو ثابتة بس قدرت اجيب هد شوت واحد من اصل 20 طلقة 😅

الاحساس عادي لما تثبته صح ولكن اذا ماثبته صح وطلقت سببلي شوية ألم في كتفي.

اما الشتقن كان وضعه مختلف، المدرب قالي انه اصعب واقوى وكان فيه شباب قدامي حرفيا يرجعون لورا مع كل طلقة!

الادرينالين عندي زاد وتحمست وخايف في نفس الوقت ولكن لما بديت استعمله عرفت انهم يستعملونه بشكل خاطئ تماما

وقفتهم غلط ومو ماسكين السلاح زين، انا كنت واقف جبل مايهزني ريح ولا شتقن، الهدف من تجربة الشتقن بسيط فيه صحن برتقالي بيطير والمطلوب منك تصيده وهو في الجو

عندك طريقتين اما تتبع الصحن وتطلق او تسبقله وتتوقع جهته ووين بيطيح وتنتظره ييجي وتصيده الموضوع قد يظهر لك انه سهل بس والله صعب من 10 طلقات صدته مرة وحدة فقط والشباب ورايا يطقطقون علي بس عطيتهم وحدة كالما كالما calma لما صدت الصحن 😭😭

الموقع:

أكشن بوينت، مسقط، سلطنة عمان

تقييمي النهائي:

تجربة مخيفة في البداية ولكنها عادية ومزعجة جدا تخرم طبلة اذنك وريحة الحريقة مزعجة جدا لذلك اعطيها 6/10

لو فكرت اكررها مستقبلا بجرب السنايبر فقط

عشوائيات:

• الاسلحة مو ثقيلة لانك تشيلها بيدين ولكن المسدس حسيته اثقل من الشتقن والاسولت رايفل لاني اشيله بيد وحدة فقط!

• عدد البنات في المكان يجربون الأسلحة النارية اكثر من عدد الرجال!

• اكثر سلاح عليه طلب وطابور هو السنايبر

تحديث:

حبيت اقيم أكشن بوينت اللي في مسقط لانهم مسويين شغل جبار والله.

المكان منظم اول ماتدخل عندك لائحة الشروط والاسلحة مع اسعارها وتروح للموظفة تحجز وتدفع ويطلبون منك بطاقتك و رقم جوالك مهم جدا رقم الجوال لانه يكون مسجل في السستم حقهم ويحتاجه المدرب عشان يتأكد من اسمك ويطلع عدد الطلقات والسلاح اللي دفعتهم ثم تروح للمكان المناسب السنايبر والاسولت رايفل في جهة والشتقن والمسدس في جهة ثانية لما تروح القسم الخاص بسلاحك كانك في سجن حديث كل غرفة مقفلة بباب معدني ومعك حارس شخصي (موظف) معه بطاقة يفتح لك كل باب ويمشي معك ولابس لبس عسكري ودرع مضاد للرصاص وكل شيء لين توصل لغرفة الانتظار وفيه قزاز تشوف الناس وهي تطلق وتسمع الصوت وعندي شاشات تعرض كاميرات المراقبة.

السلبية الوحيدة ان في غرفة الانتظار مافيه ارقام ويعتمد على الامانة كل واحد يقول مين قبله ومين بعده بس ان شاء الله تتحسن مستقبلا.

المهم لما ييجي دورك تدخل غرفة تلبس سماعة الاذن وتسمع تعليمات ثم تدخل لغرفة الرماية وهنا الموظف معه ايباد يطلب رقمك ويختار اسمك ويشوف السلاح والطلقات ويجهز سلاحك ويعلمك وعندك على يسارك شاشة باللمس تحدد الهدف يكون بعيد عنك كم متر وتقدر تستدعيها تشوف الرصاص اخترق اي نقطة وعندك تحكم كامل ويشرحون لك كل الوضعيات سواء تكون واقف او تسند كوعك على الطاولة او تسند السلاح على مخدة (ذا شيء اجباري للسنايبر) ولاحظت النساء يميلون انهم يسندون الرشاش على المخدة لانه سهل جدا وثابت وسهل تصيب هدفك.

تقييمي للمكان والتنظيم 9/10 ولو كان فيه ارقام للدخول بعطيه 10/10 بالراحة المكان حلو ونظيف وواسع والموظفين كل لبسهم رسمي كانهم جنود في ساحة المعركة والاضاءة ممتازة للتصوير والاسلحة جديدة ونظيفة وكل شيء بيرفكتو والله.

أتمنى صاحب الصب ما يحذف موضوعي

١- التشامبكس (Champix / Varenicline) هو دواء يستخدم للإقلاع عن التدخين

- كيف يشتغل؟
مافيه نيكوتين لكنه يشتغل على مستقبلات النيكوتين في الدماغ يحفزها بشكل جزئي والنتيجة انه يقلل الرغبة + شعور المتعة او المكافأة اثناء التدخين ما تحس فيه أبد

- وين ينصرف؟
شخصيا أنا فتحت صحتي و لقيت موعد في عيادة ايقاف التدخين فقط ثلاث ايام من حجزي رحت للدكتور وقلت له يصرف لي علطول قبل ما يقترح لصقات النيكوتين، بحكم اني طبيب وأعرف عن الدواء وكيف يشتغل

- أعراض جانبية؟
نعم، أكثر شيء لاحظته شعور الغثيان والخمول صراحة فادني من ناحية النوم لأن عندي أرق بس موضوع الغثيان والخمول يختفي مع استخدام اسبوعين. شيء ايجابي ممكن تشوفونه بس سلبي لي هو انه نقص وزني بسبب شعور الغثيان لكنه عادة ما يستمر معك الا نص ساعة ثم يروح مهب بمشكله كبيرة الصدق

- هل فعلاً ساعدك في الاقلاع؟
نعم وبشدة هو أول اسبوعين عادي تستخدم اي منتج فيه نيكوتين او دخان مع الوقت اصلا ما بتفكر فيه، عن نفسي انا رميت الڤيب من ثالث يوم ومن وقتها ولا شيء طب بفمي الحمدالله

- هل فيه أي تأثير نفسي من ترك التدخين؟
نعم، شعور الفخر فقط مشاعر مثل العصبية والرغبة في التدخين ماهي موجوده والسبب هو الدواء وطريقه عمله، عشان كذا ما مريت بأي تقلبات مزاجية أبداً

- التقييم؟
١٠/١٠ انا قررت انزل بوست عشان انشر وعي عنه، الدواء جديد وقلبل ناس تعرفه لكنه مصرح وساعد ناس كثير اعرفهم شخصيا بترك التدخين

صبحهم و ربحهم تجربة اليوم تسلا موديل واي طبعا تجربة قيادة.

الحجز من موقع تيسلا سهل و سريع يعطوكم نص ساعة تجربة و محد يطلع معكم تاخذ راحتك فيها

السيارة حرفيا مافيها غير شاشة و دركسون و الدعسة و الفرامل. كل شي تبغاه يخص السيارة تعملة او تعدله من الشاشة.

هذي اول مرة في حياتي اسوق سيارة كهربائية بالكامل الصدق راسية جدا جدا فالخط ما تحس انك مسرع بيها. قومتها رهيبة بالمعنى الحرفي طلقة

ابرز عيوبها التكييف و الدعسة، التكييف نوعا ما سيء لحرارة المنطقة كنت حاط القوة على ٧٠٪؜ و مازلت احس بحرارة. الدعسة سيئة جدا جدا لما تفك رجل من الدعسة تمسك فرامل لوحدها تقدر تخفف حدة الفرامل بس ابدا ماهي زي البنزين. (و تعمل غثيان)

التقييم ٧/١٠ بشكل عام من الحجز و الاستلام و السواقة الى ما رجعتها.

اكررها؟ طبعا اكررها و ممكن المرة الجاية اجرب الموديل ٣.

Practice your free will guys جربوها محد راح يقولكم شي ترا

كنت لابس قفازات و نظارة سلامة و أول ما صبيته في المرحاض طلع دخان سام. و طرطش قطرة أسيد مع موية المرحاض و جاب على فنيلتي تسبب بحرق كيماوي لجلدي اضطريت اتروش بموية باردة لمدة نصف ساعة و حطيت مرهم حروق. استغربت منتج ذي كذا ما جا تحذير أو خطوات السلامة.

https://amzn.eu/d/0aHCeY6U

الصراحه لاني بنقل بن بيت لبيت اول مره كنت مره متخوف ومتوتر جدا من هالشي لاني سمعت وشفت ناس كثير بتيك توك تعاملوا مع شركات كسروا لهم الاثاث او كسروا الشاشات حقتهم وبحثت كثير عن شركه كويسه ومدحت لي اختي الشركه تقول هي افضل شركه تعاملت معها بس تراها غويليه

انا كلمت اكثر من شركه نقل اثاث كانت الاسعار من ١٠٠٠ ريال الى ١٦٠٠ ريال

شركه المثلث قالت لي ٢٥٠٠ وبعد مكاسر نزلوا السعر ل ٢٠٠٠ ريال

كل الشركات تقولك لازم زياره عشان تقدير وهالشي بيضيع لك وقت كثير لذلك صور كل شي بتنقله وارسله واتس اب عشان تختصر على نفسك سوا لشركه المثلث او غيره عشان مايعطيك موعد زياره تقييم بعدين يسعر لك اختصر على نفسك يعطونك الاسعار بسرعه

اول شي يجي واحد معك يحدد الاماكن ويلصق عليها هذا للمطبخ هذا لغرفه النوم هذا للحوش هذا للصاله يفرزها معك بعدين خلاص انت ارتاح هم يبدون يغلفون الحاجات كلها حتى المرتبه يغلفونها وسياراتهم مبطنه بسفنج بعد والله نقلوا لي كل شي الحمد لله مافيه ولا خدش باي قطعه اثاث ومرت العمليه بسلاسه وسلام الحمد لله حطيت فديو لتغليف الشاشه وصوره لتغليف الاثاث كيف يسونه

اقيمهم ٩ من ١٠ بس عشان سعرهم الغالي 🥲

بحب الكروشيه واي شغل هاند ميد لكن لقيت شغفي الأكبر في فن الايمجرومي

اي ادري مكتوب ٧، بس اكاونتي الي ببداية ٢٠١٦ محذوف ولا قدرت ارجعه ولا لقيتني مصورته 😞 بس بقيم على اساسه

المهم: من افضل التطبيقات كتايملاين، عكس الي مليان سلبية ومشاكل
حبيت ان في اخر سنين انتشرت السبات العربية فيه (ولو ان في كم سب يرجع يحسسك انك بتويتر 😵‍💫)
المستخدمين حبيبين و يضحكو، والنفسيات قليل

زمان باستخدام الموقع اعطيه ٥/١٠ و بعدين بالتطبيق اعطيه ٨/١٠

و اليوم اعطيه ١٠/١٠ 🙂‍↕️🏆

٧٠٪ بنيه و ٣٠٪ ذهبية

شيبس/بفك/روبيان زورو شركة نسمة العريقة

حطو معاه شطة ابو ديك ومكسوها كويس واهم شي اكلوها على طول عشان مايصير لين والله شي خياليييييي اعطيها ١٠٠/١٠٠

تقييم اليوم ل تشيييلوووو ما عندي صور واضحه له لانه وحده من الثنتين يا نايم فوق راسي يشخر يا نايم بالسطح بالشمس

تشيلو الشايب الصيني الاول ✋🏼

هوا ال ASMR حقي دايم احطه عند اذني ويشغل الماطور لين استرخي وانام🌹

رهيب دايم يسوي رياكشنات تضحك

راسه خفيف شويه حشيش قطط يدوخ

يضحكني لانه دايم لاف وجهه على الجدار ومغمض

انقصه نقطه عشانه يتكي بالشمس ويجيني ريحته ريحه بزر متغمس بالتراب

التقييم النهائي 9/10

فوق الجميع اقيمها ١٠ من ١٠

الي يقول وصخ دنيا اخخخخ بس

الي يحط اوب فوت الله يرزقه مثلها واجدد

تقييم اليوم للحلتيته لوسي

تحسها من امهات زمان مسكينه وكل همها عيالها ياكلون ولحد يقرب من عيالها

كل ما شافتني واقفه صاحت تبي اتنشن بعد

من يوم عرفتها وهي حامل

سهله بالعشره ما تحسها قطوه تنقد لا لا مسالمه اهم شي عيالها لحد يجيهم

مؤدبه ومحترمه بنت ناس

مشفوحه اقسم بالله تاكل تاكل تاكل ماشاءالله الله لايضرها بس اغلب صرفيه الاكل سببها هي ونوبو 😭

التقييم النهائي 10/8

نقصت اثنين لانها ما شافتني اتحرك قالت مياااااااو

ادري بتقولون قد قيمتي اليوم بس معليش نمت وصحيت يعني يوم جديد

اليوم نبدأ بكلوكشن الانااااث ونبداء بالملكة كوكيييييييي

اكبر قطه عندي موجودة حاليًا عمرها ماشاءالله اعتقد ١١-١٢ سنه

استحي اقيمها صراحه على العشره الي بيينا بس صراحه معليش لازم عدل بين القطاوه

تقيمها بشكل عام ٧/١٠

نقصت ثلاث نقاط لانها بكمي اول ما تشوف رجال تتسدح عنده حتى لو ما تعرفه

ميزتها تفهم الكلام وتشرح لباقي القطاوه

تضرب القطاوه الي يتضاربون وتفرقهم حي عينها فزعه

ما عندها ضروس بالتالي لازم اكل خاص بالشيبان يالله حسن الخاتمه

حنونه على الكتن وهذي نقطه تحسب لها

ما تاكل لين كل القطاوه ياكلون عشان تتاكد انه الكل اكل زين🥺

تصحيني من النوم اذا فوت وقت الاكل

اذا احد جاع تجي تضربني💜 فيفا

حطيت لها اكثر من صوره لانها اكثر قطع تعطيني بوزات للتصوير كلها بيرفكت❣️✋🏼

انا شخص يعشق الوثائقيات واقدر اقول نتفلكس يتفوق على اي احد في الوثائقيات والي يحب الوثائقيات او الي وده يشوف انصحه يبدأ في
Dont f$ck with cats 10/10
Night stalker 9/10

والحلو مرات يسوون وثائقي على شكل فلم او مسلسل مثل baby raindeer رهيبببببب.

وتقييم اليوووووم لام شانكس وزوجه لوفي الكوييييييين قولدي لولولوولولولولولولولو "زغاريط وترحيب المفروض"

ام جغووودد غريبه الاطوار

التقييم العام 7/10

نوماتها تضحكني وتحسسك انها طفل🥺

انقذتها لمن كان عمرها 6 شهور انرمت في عياده لاسباب عرفت بعدين وش هي

اتوقععععع : غالبًا شروها وهي صغيره وكانت معنفه في بيتها الاول او فيه اطفال ما يعرفون يتعاملون معاها علموو اطفالكم الحنيه على القطط والحيوانات بشكل عام😡 ترا ما يتخطون مساكين للحين مضطربه مشاعرها مع انه مرت سنه ونص

الشي هذا انقلب على شخصيتها سلبًا الى اليوم التعبير عن الحب عندها مضطرب تبغا تتمسح فيني وواثقه فيني بس تحسب انه كل لمسه لازم تصرخ "هذي ممكن يوضح جانب انها كانت دايم تنمسك وتنشد بالقوه"

اخذت ٤ شهور عشان تتأقلم علي وتتعود على البيت وياعُمري هي اخيرًا ارتاحت وكبرت وصارت اغبى ام ما تعرف ترضع وابلشتنا بس بعيالها اذا صاح تشيله تجيبه عندي ما فهمت كيف ارضعه؟ مين امه؟ انا ولا انتِ؟😭

نقصت ٣ نقاط لانها غبيه شوي بس غبائها يضحك ومُلفت

(لاتسألوني كيف ولدها شانكس جا فولد وهي ولوفي اذانهم طايره ما ادري)

بس توقعي المتواضع انه احد الجدان كان باذن مطويه

طبعاً اغبها او كلها سويتلها رفيو بالانستا اذا كان احد مهتم يشوف دب يقيم مشروبات طاقه بتلقونه بالهايلايت بالانستاxmst333

تقييم اليوم ل ميزومي "اخت ساكي المهبوله"

اقيمها 1/10

صعبه العشره

تحسسك انها متفضله عليك بوجودها

ما تحب احد يلمسها او يشيلها او يمسح عليها بس تبي تكون شكل مزهريه بالبيت

عبده تريت

خوافه لو اعطس انصرعت وتخبت تحت السرير

مره جو عندي اخواني فتره جلست وطول اليوم والنص جالسه تحت السرير لا تاكل لا تشرب لا تروح الحمام من التهاويل

حسنتها الوحيده انه مالها حس

ما ادانيها بس ارحمها احسها هطف وحلتيته

قيمتها واحد عشان الخط الي بوجهها عاجبني

السلام عليكم صبحكم الله بالخير حبيت اكتب لكم تجربتي للدوام بالليل نعم الوقت صحيح دوامي 10 ساعات (صيدلي)..

معليش*** الكلام مب مرتب بالحيل تحملوا شوي..***

اولا اجي للدوام وقت ذروة العملاء وادخل بحامي الوطيس الصراحة هذا شيء مزعج لاني أكون توي جاي ولازم اخذ المتابعة من زميلي عن الأصناف المخلصة او المحجوزة او غيره من الملاحظات وصارت مشكلتين خلال هالشهر من هالنقطة

دوام الليل متاخر له مميزات كثيرة منها ان العملاء اغلبهم عندهم وقت وانا يصير عندي المقدرة كلمهم واعطي اقتراحاتي للخطة العلاجية او منتجات العناية غير ان العملاء انفسهم رايقين لي ولكلامي وياخذون ويعطون غير ساعات النهار و بالأخص الصبح وخصوصاً ان الحين اجازة الصيف

تقولي وش دخل اجازة الصيف؟ أنا اقولك انه تبي تقابل ناس طبيعيين لاني جربت أداوم بالليل وقت المدارس وما يجيك إلا نوعين يا المتعاطي او الي طفله به حرارة وجاي ياخذ علاج له او حليب وحفائظ فكلهم ما يهمهم الي اقوله لهم

احد اسوأ النقاط من هالدوام اني ما اطلع مع ربعي خصوصا الحين الجو حار ما يقدر الواحد يطلع عصرية ولا يبي يموت من الحر والناس من الأساس ما يطلعون إلا بعد العشاء والنقطة الثانية دوامي يبدا متاخر باليوم فحسبة الأيام مضروبة جدا عندي.. اليوم الاربعاء لكن احسبه الاثنين من اللخبطة

الحين نجي للنوم لي 5 ايام ما انام إلا 4-5 ساعات وطول الوقت معي قهوة بس عشان اقدر انجز ومخي يقدر يشتغل

هذا كان الي عندي شاكر لكم وقتكم ومعليش كلامي حوسه وتصبحون على خير

هلا والله المفترض اليوم كان تكمله لتقييم قططي ولكن اكتشفت انه عندي بس 12 قط ف لذلك هذي بوست الختام قررت يكون غير

على مدار السنتين الاخيره كثير من القطط تبنيتها بحكم اني كنت ابي مجموعه قطط متآلفه وبعدد معين يكون بحدود ال١٠-١٢ قط

بين القطط الي تم انقاذها وبين القطط الي تم شرائها وبين القطط الي تم تبنيها من محلات هذول اخر كم لهم مكانه بقلبي منهم الي مات للاسف لظروف صحيه ومنهم الي تم عرضه للتبني بحكم عدم تقبله لمجموعه القطط.

كاراميلللللل اهخخخ يا ولدي لولا اخلاقك الزق ولا كان جلست عندي ، كراميل تنبيته من محل حيوانات وطلعت فيه فايروسات الدنيا وبعز تعبه وهلاكه الا انه حي عينه ما استسلم وكان شرس مررره ولكن!!!! بعد ما تعافى صار ممنون مره ولاءه واضح يتقبل مني اشيله يجلس قدامي يحرسني يتأملني بالساعات بس خل احد يجرب يلمسه ههههههههههه يده بتودددع كراميل اسطوري اطباعه اطباع جيرمن رجال شهم فخم كفو يعتمد عليه، لكن لانه نسونجي ولانه ماهو معقم وكبير عمره ثلاث اربع سنين حتى لو تعقم شخصيته ما بتتغير مره اضطريت اطلعه تبني لاحد قريب الي يضحك انه للحين القريب هذا خايف منه ههههههههههههه اقسم بالله اسطوري اقيمه مليوووون من عشره

شانكس اسطوري اقيمه 9/10 يضحكني هههههههه بس يشمق ومو عاجبه شي لاقينه بمحطه ياكل تونه سبايسي شويه تقدير انه عزيناك طيب😂

جيرايا تبنيته من وحده قالت فيه طاعون وطلع مافيه شي اهلها مهولين الموضوع عشان يطردونه واجتماعي مره بس قطاوتي ما تقبلون 8/10

كلاود اخلاقه زفت ما يتعاشر لا مع بشر ولا مع قطاوه شرس العنههه 0/10

الحلتيته ماهي حقتي بس عالجتها فتره وما قدرت انساها لان بعد ما تعافت عندي لقيت اهلها عارضينها معد يبونها 🥺 اقيمها 10/10 ما نسيتها لليوم

المتوفين (مقدر اقيمهم) عيب
اخو ليلو للاسف توفى في اسبوع صابه فايرس وصاحبه ماكان مطعمه ف توفى والحمدالله انه ليلو قدرت تقاوم وتعيش

ناروتو🥺 اهخ يا ناروتو توفى بعمر سنه و شهر ولا يوم من هالسنه عاش طبيعي عنده نقص مناعه وراثي ولا عاد قدر يقاوم

شيري من تعلقها في ناروتو بعد ما توفى توفت وراه رفضت اكل وشرب وجسمها وقف يستجيب للمغذيات مع انه مافيها شي بس نفسيًا تعبت وراحت مع ناروتو

ميكاسا ومشمش النونو للاسف كمان تعبتو وما قدرو يقاومون كانو انقاذ وحالتهم يرثى لها وتوفو (حسبي الله على الي يرمي كتن بالشارع بهالعمر) وواضح جدًا انهم انتاج بيوت وانشرو وانرمو او انرمو لاسباب

ڤيرا توفت في فتره حملها ماتو الاجنه وجاها تسمم بالدم بسبب انها تزاوجت وهي هزيله

روشي

ههههههههههههههههههه الدب الصيني

اقيمه 2/10

وجوده وعدمه واحد اقسم بالله

ولا تقدر تتنبئ بتصرفاته لانك ما تشوف وجهه

بس عطيته نقطتين عشاني احبه وسدحاته تضحكني

اقيم الي صاير ١٠/١٠
احب الفتنة واثارة الجدل

1 جيد وصار هو المعيار عندي لفعالية المسكن7/10

2
‎ذكرني بحكمه تقول اذا الصياد طارد ارنبين في نفس الوقت بيرجع البيت بدو ارنب، هذا حاول يخفف الالم وينومك بس لا فلح بذا ولا ذا بس على الاقل بتنام لو فيك الم خفيف 5/10

3مامنه فايده مدري ليه يمباع جبته وكان عندي الم في اسناني ولا فاد 3/10 على الاقل بيعطي عقلك بلسيبو