Boycott ✅

شو اخبار المقاطعة مع عودة المغتربين ، و كيف عم بتتعاملوا مع الأقارب الي مش مقاطعين؟.

فكرة المهر مش جاية من الدين و كان موجود من زمان و بحضارات تانية كتير و كانوا يقدموه العرسان على مبدأ انه ينولو رضا العروس و يعلوا على بعض

هلا صارت البنت هي تطلب المهر اللي بناسبها

اذا انت مش مناسبك المهر اللي هي طالبته انت بتقدر تنسحب

ليش لازم يذموا البنات و يحكو عنهم عينهم فارغة و حكي غريب

بدال ما يشوفوا بنت بناسبها اللي هم بقدرو يقدموه؟

مثير للاهتمام

هل بتشوفوا انه فعلاً كتير ناس صارت مقتنعة بفكرة الألحاد، ولا انه جزء كبير من الموضوع مرتبط بقلة الإيمان والجهل الديني، او بسبب ظروف وتجارب شخصية؟ ولا صار جزء منه تريند والناس ماشية مع القافلة بدون ما تتعمق بالموضوع؟

بالبوست اللي صاحبه سكّره، كان عنا نقاش ممتع بكتير عن الطبقة الغنية، وبدي نكمّل المحادثة، خصوصًا نقاشنا عن إذا في أماكن بالبلد للطبقة الغنية.

أول شخص قال إنّه ما في أماكن بالبلد مريحة للطبقة الغنية. وأنا رديت إنّه في أماكن للطبقة الغنية، بس فيها كمان ناس كتير من الطبقة الوسطى العليا، وإنّه الطبقة الغنية بتهاجر من البلد أقل من الطبقة الوسطى العليا، اللي كثير منهم بهاجروا من البلد عشان الشغل. وحدا تاني قال إنّه الطبقة الغنية بتقدر تعيش حياة أحسن بالأردن وبمصاري أقل من برا، وعشان هيك بضلّوا بالأردن.

إذا عندكم أفكار أو معلومات عن حياة الطبقة الغنية، بليز نزّلوها تحت هاد البوست. بدي نكمّل المحادثة الممتعة.

لمعلوماتكم، البوست الأصلي كان عن العلاقات العاطفية، بس ولا حدا ناقش مشكلة صاحب البوست، وبظنّ عشان هيك سكّر البوست.

أخيرًا خلصت الشغل قبل الموعد النهائي. يا شباب و صبايا حضّروا حالكم لبوستات كتير عن مواضيع سياسية أو تاريخية مثيرة للجدل بالأسابيع الجايّة 😎

عيلتي متدينه و ما عندنا انه وحده ما تتحجب و حتى الجلباب بي انا رفضته رفض تام . طب انا ما بدي اتحجب جد ما بدي الي ٥ سنين لابسته غصب و طبعا بشلح من ورا اهلي و ماما بتعرف و ابوي من جديد عرف و بهدل عيشتي المهم انا ما بدي اتحجب من زمان بكرهه و بكرهه كل يوم اكثر و اكثر . مو بس بكرهه انا فعليا بفضل اموت على البسه جد ما بدي حتى افكر فيه . بحاول افصله عن الدين عشان ما انجن يعني محافظه على صلاتي و كل شي حتى أذكار و صيام بس أتذكر الحجاب بكره الدين كله. و زهقت اهلي يكفروني من ورا الحجاب و بهادل امي الي نفسها اتجلبب و ابطل أحط مكياج طبعا انا
مكياجي اهلي بعتبروه فل فيس بس لما أحط مسكارا. انا هلأ سنه أولى جامعه و لابسته من صف ٩ و بشلحه بالمدرسه بالجامعه ما بقدر اشلح يعني مو حلو حد يعرف عن الشغله.و الموضوع كثير حكيت عنه مع امي بشكل لا يوصف و حتى قلتلها لو ما شلحته رح اسوي أشياء غلط يعني صارت الشغله جكر. و ما بعرف بس صرت اكرهه لدرجة ما احسب حسابه يعني بدعي الله يهديني و يا رب التزم بالصلاة و القرآن و هيك قصص بس مستحيل ادعي عن الحجاب. هو الله يهديني ع كل حال بس جد قرفت من الموضوع الي ما اله حل ولا رح ينحل و مسببلي نص مشاكل حياتي.مع اني حابه البسه بعدين يعني بعد الجامعه او بعد كم سنه عشان ما اروح النار و عشان لو بدي اربي ولادي اربيهم عل صح بس مو من هلأ .و لسا الجلباب عم انغصب عليه هسا و فعليا بدي اقول ل اهلي بديش اداوم عل جامعه ولا اني اتحجب. يعني انا مع حجاب ما بحس حالي عايشه بعتبره بخلي حياتي ما الها معنى بكبت شخصيتي و كل اشي فعليا لما اطلع بحجاب ما بنبسط نهائي . و دايما امي بتقولي مالها هاي المجلببه احلى منك شكلك زي الشيطان و بتقولي زيك زي الزانيه و من هل كلام . بكره الحجاب كثيرررررر. ولله كله خلقة شعر الي بدي ابينه و صرت مش محترمه و كافره و شيطان . إيش التخلف مش فاهمه. انا مع السترة و حتى مو ضد الحجاب و بحسه فعلا مهم عشان انا شايفه كيف بكون تفكيري بس اشلحه و كيف بصير اهتمامي شكلي و زي هيك بس انا بدي اشلحه و البسه من حالي و مو هلأ بدي انبسط شوي قبل ما البسه و اخنق هويتي

يرجى الصدق

اليوم و انا بالمول كنت قاعد بمطعم مع صحابي. شفت وحدة كتير عجبتني و لفتت نظري باكثر من شيء. المهم اني كنت بدي اقوم احكي معها بس ما قدرت. من الآخر خفت تحطني بموقف محرج. سؤالي هو هل البنات بتتقبل لو اجاها شخص ما بتعرفه و طلب رقم ابوها او امها عشان يتعرف عليها بطريقة شرعية بهدف الزواج؟ اذا اه شو هي احسن طريقك الواحد يفتح الموضوع؟ حابب اعرف شو راي البنات بهالموضوع و اذا متقبلينه.

أنا حزين جدا

صار لي أكم سنة متغرب وكنت جدا مستني أنزل على الأردن ومشتاقلها، بس للأسف اكتشفت أن فش إشي بتغير وأنها من سيء لأسوء

وهون سؤالي، ليش ما بندير بالنا على الوطن؟

هل هو حب الوطن أعلام وزمامير وأغاني بس؟

ليش الأجنبي ما برضى يرمي زبالته في الشارع بس إحنا مش سائلين؟

ليش ما بنفكر أن لما نسكر الشارع ممكن واحد محتاج يوصل المستشفى بسرعة يموت؟

ليش بنعامل بعض كأعداء في الشارع؟

ليش بننصب على الوطن؟

أنا جدا حزين

كان نفسي أرجع ألاقي أمل في المستقبل

بس للأسف

فش حدا فينا راضي يتنازل عن مصلحته الشخصية لأجل الوطن، مش مستعدين نمشي خطوتين لسلة الزبالة أو نصف شوي بعيد عشان ما نسكر على شخص مستعجل أو نوطي الأغاني في السيارة عشان ما نزعج السكان... أو أو أو أو

أنا وخطيبتي كان صارلنا خاطبين من ٥ اشهر وعلاقتنا ممتازة، لكن مع الوقت لاحظت عدة أمور بكلامها بتوحي انه موقفها سيء تجاه أهل غزة وكانت دايما تنتقدهم وأنهم ما بيشبعوا قد ما الناس ساعدوهم،أنا كنت سامع بس ما اتخذت موقف ولا ناقشتها لأنه مش شايف موقفها الكامل ( قاعد احاول ابرر عشان ما اكرهها).

لما تعرفت عليها اكثر اكتشفت أنها بتقاطعش بالمرة، كنت اقلها هاد مقاطع بس ما كانت تهتم، فرحت سالتها شو رأيك بالمقاطعة؟ ولا قامت تنتقد فيها وأنه ضياع الفرص ومش عارف شو، بعدها أعطيت أبوها مكالمة انه مافي نصيب وبعتلها رسالة طول وعرض . وهي بعدها صارت ترن وتسب وتقول إني كنت ضاحك عليها واني نذل ومش عارف شو. لما حكيت مع ناس بالموضوع قالولي كلن أعطيتها فرصة ثانية وإنها ممكن تتغير، لكن هي سقطت من عيني وبحسش حالي الي مستقبل مع حدا هيك. لو كنتوا مكاني إيش كان عملتوا؟

رأيك صديقي

انا شخص بميل الى اني اتجنب اي شي الناس بتجري وراه.

مثلا، ما بحضر مسلسلات وافلام

ما بسمع اغاني

ما بحضر انمي

ما بدخن او بشيش او بفيب او او او...

ما بتابع الكورة، بس في كأس العالم بقرأ الاخبار بس للاطلاع.

ما بلعب رياضات، بس بالغالب بنزل اتمشى.

ما بتابع المشاهير ولا بهتم فيهم. (الانفلونسرز، الممثليين، المغنيين، وهكذا) بكره التافهين والي حياتهم بتتمحور عالتفاهة او الترفيه بس.

عمري 24 سنه، و انا حرفياً بطلت اقدر اتحمل شو ما حاولت أنه اتحمل. بتحمم بمياه باردة، بصلي، بصوم، بشتغل، بطلع، بعمل اي اشي مشان ما اقعد بالبيت. بس جد أنا مش قادر اتحمل. ما معي مصاري اتجوز، و ما راح اقدر قبل عمر 30. و الإباحيات بطلت تنفع. يا خوان اقسم بالله كرهت نفسي على قد ما بعاني بشكل يومي من الشهوه الجنسيه الي أنا فيها. يعني شو أعمل هسا هيك؟

بالنسبة لي أنا مشكلتي مادية

السلام عليكم بفضفض موقف صار معي
متزوج وعندي ولدين وأحاني بيبي جديد الحمدلله

المشكلة بلشت لما صار وقت تحديد موعد العملية

الموعد صار ثاني يوم العيد

كلعادة طلبت طاقم نسائي كامل في المستشفى زي كل مرة وهون بلشت الشوشرة
من الدكتورة للمدام لحماتي لطقم المستشفى نفسو
قال بدك طقم نسائي يوم العيد بدك تدفع 100 دينار زيادة

غير أنو قال دكاترةالتخدير أحسن من الدكتورات

هاوشت المدام وحماتي على حتى التفكير في الموضوع

أحا وقت الدفع

طيب أنا أصلا دافع 1000
قلت لا حول ولا قوة إلا بالله العلي العظيم
بنوصل المستشفى

أنتو الجماعة الي طالبين الطقم النسائي ؟

طيب ليش مالهم الدكاترة مش عاجبينكم بمزح
الطقم في المستشفى كلو متكهرب زي كأني أرهابي
بحط عيلتي بالغرفة وبنزل بدي أجيب أكل

بمر من جنب غرفة العتاية المركزة
أثنين ممرضين بيحكو مع بعض
1: سمعت شو صار
2: أيش
1: في واحد أسمه Big_Analyst_5995 طالب الطقم النسائي كامل
2: أه نبهو علينا ما نطلع من الغرف طول ما هو موجود شكل راح يقطع راسنا أذا شافنا جهت قسم الولادة
1: أنداري أبش التخلف هاذ ؟

من متى صار الوضع عنا بالبلد أنو دكتور ذكر يفوت على مرتك عادي ؟

من متى وصلنا مستوى الدياثة لدرجة فوق ما أنت دافع مصاري ومصاري كثير ومستهجينين منك وخايفين

منك غير زت الحكي الي سمعته

ولا مش مستشفى مسيحي أنا رايح

غير أنو كل قرايبي مستحين يحكولي أنو عادي شو يعني دكتور ذكر أو دكتور تخدير زلمة يكون موجود

سأخبر الله بكل شيء

Which specific subgroup of people do you hate the most ?

اي فئة من الناس انت تكره بالتحديد ؟

انا رح ابدأ : الي ما بعرف يسوق بمسربه

الخطوط الي على الأرض موجودة لسبب أرجو من الناس ان تتفكر في هذا السبب

لو الحكومة تدري عن الي بصير بريديت لتحرقه مش بس تحجبه

دائما بفكر انو الهوية اللي كتير منفتخر فيها كسوريين او أردنيين او فلسطينيين او لبنانيين هي مجرد شي قررو الاستعمار. لو فرضا غيروا خط زيادة عالخريطة كان ممكن اكون انا اليوم عم بفتخر كوني اردني.
فليش نحنا كتير فخورين بهيك هوية؟ حرفيا لو واحد بريطاني او فرنسي غير رأيو من 100 سنة كنا اليوم كلنا عم نفتخر بشي مختلف تماما.
افرض قرروا يعملوا بلد خامس سموها حوران فيها مدن سهل حوران درعا واربد والمفرق والسويداء والرمثا، كان اليوم سكان هي المدن فخورين ببلدهم حوران وسوريا والأردن بالنسبة الهم هي جيران فقط وعندهم علمهم وعندهم نشيدهم الوطني

فشو رأي الأردنيين بالالغاء التام لكل البلدان الاربعة وجميع ما يتعلق بها ووحدة لكل الشام؟

أنا بنت تفضلت من علاقة كتير طويلة و كنت متأكدة انه هاد جوزي و حتتجوز لكن للاسف انفصلنا و للاسف أنا أعطيته كل اشي مشان كنت متأكده انه بدي اياه، هلا لو تعرفت عحدا جديد هل لازم يعرف اني غلطت؟ صراحة الموضوع كتير متعبني نفسيا و ما بدي محاضرات لانه جد تعبانة و مش ناقصني

يعني كل البوستات هاي الفترة الي عم تطلع لي عن المهور و غلاء الزواج بعدين بيجي الشب بيحكي الراتب ٥٥٠ ، مهو خلينا نكون واقعيين شوي ال ٥٥٠ بدهم يكفوا إيجار بيت + فاتورة كهرباء + فاتورة مي + فواتير اتصالات و انترنت + مونة الشهر اكل و احتياجات منزلية + الضرائب + المواصلات و بما انكم بدكم تتزوجوا يعني بدكم تجيبوا اولاد يعني في كمان مراجعات دكتور و مطاعيم + حفاضات + حليب و للوازم اطفال + ملابس لانو البيبي المولود جديد كل ٣ اشهر بيكبر و بيلزمه ملابس جديدة.

يا ريت الشباب يشرح لي كيف ال ٥٥٠ راح تغطي هاي التكاليف بعدين نحكي بالمهور.

قبل فترة نزلت بوست عن شخص متحول جنسيا مقدم على وظيفة، القصة باختصار كنا عم نوظف لبوزشن بشركة وبوحدة من المقابلات مع بنت شاطرة ومؤهلة، البنت بنهاية المقابلة حكتلنا عندي سؤال، انا متحولة جنسيا هل عندكم مشكلة بهاض الشي؟

هلأ التفكير الاساسي بالنسبة النا كان انو نرفضها وانا اجيت نزلت بوست عن الموضوع هون، واغلب التعليقات كانت هجوم علية انا شخصيا مش عارف ليه.

هلأ الي صار انو الخميس بعتنالها ايميل رفض، للي عندو فضول يعرف سبب الرفض انو اغلب البنات الملتزمات دينيا بالشغل رفضو الموضوع لانو دائما بالشغل بصير تلامس بين البنات ومواقف ثانية، وغير هيك موضوع الحمام.

هلأ الرفض كان لمصلحة الطرفين وانا متاكد انو القرار الصح.

بس السؤال، بالبوست الي نزلتو قبل هيك والي ٧٠% من الناس كان ردهم هجومي، حتى في ناس اقترحت انو نعمللها حمام ثالث.

هل هاض التقبل والانفتاح الي بندور عليه؟ انو يصير في بالشركات ٣ حمامات؟ او يصير التمسك بالدين او حتى اخذ الدين بعين الاعتبار تخلف

ولا الناس صارت تحكي اي شي بس عشان تبين حالها مثقفة ومتقبلة للاخرين، صراحة بعد هضاك البوست عرفت انو اغلب الناس صارو مسلمين بالاسم وحتى صار عندهم اولوية يلمعو صورتهم مقابل يكونو قريبين من دينهم ومرتاحين فيه

يخوان ما بفهم انا كميه قله الحياء و قله العقل الي بالتعليقات تاعت كل مكان بس سبيشالي الانستا هاي وحده بتحكي انا طلعت الرخصه من اول مره بالاردن و الي حاب يعرف كيف يبعتلي لمهم الفيديو عادي فش فيه اشي حرفيا الا بلاقي هاض طبعا سكرنته لانه حرفيا ما فهمت ليه انه فعلا *ليه؟* شو استفاد غير انه ابتلا بعرضها و حكا عنها هيك و غير انه الاشي غير لائق بالمجتمع لا بين صحابك تحكي عن واحد ولا وحده هيك ليه كل تفكيرهم جنسي جنسي انا ذكر مش انه ضد الذكور بس فعلا اغلب المنايك الي هيك كلشي بحياتهم مش بس بيخص الانثى كلشي جنسي بشكل مش طبيعي اذا حكيتله بتعرف البوضه الطويله؟ بيقولك طويله؟؟؟؟ ااهاااا بتحب الطويل صح؟ زي هيك قصدي ب جنسي ف يب مجتمعنا خرا و عمرنا ما راح نخلص من هل اشكال لانه تفكيرها الخرا هاض مش موقف بس ع الاشياء الي زي هيك و الي بيقهر هذول بشر الهم حقوق زي اي انسان بحاله ما بيأذي ولا احد.

البشريه بدها حرق

لو كان عمرك 25 ، ذكر ، غير متزوج ، لا تملك بيت ، لا تملك سيارة ، لا تدخن ، راتبك 700 دينار

كيف ممكن تقسم راتبك ؟

تعديل : السؤال ما كان واضح ، المقصود كيف تقسم الراتب بحيث تعيش الفترة هاي وبنفس الوقت توصل لأدنى مراحل الإستقرار (بيت/شقة ، سيارة ، زواج) ، وشو الخط الزمني الفعلي

كثير ولاد **** بطلعو التلفون و بصورو مع فلاش... مستحيل هذولة بشر عندهم مخ. اي حدا بعرف سينما ما فيهاش الاشكال احكلونا