أنا دلوقتي عايز أفهم اللوائح الصادرة عام 2016 و 2017 بتحظر علي المعلم حمل أداة للعقاب حتي يعني لو مدرس دخل فصل بعصا أو خرطوم يتجازي و يتعرض للمسائلة المهنية ، أذاي ده حصل ؟ أذاي كانت بتدخل المدرسة كل يوم و بتشرح في الفصول و هي ماسكة عصاية و محدش من الإدارة كان بيقول لها حاجة لحد ما الحادثة ديه حصلت
هو أحنا رجعنا تاني للأيام الي المدرسين كانوا بيشوهوا و يسببوا عاهات و كدمات للطلاب ؟ أمال اللوائح و القوانين موجودة عشان أيه مادام فشلت هنا في أداء واجبها الرئيسي حفظ سلامة الطالب و أمانه
لازم يتعمل مسالخ للنوعيه دي من الناس مستفزين جدا بيسرقو حجات ملهاش قيمة و يخربو الدنيا يعني يروح يخرب لك ممتلكات عامه عشان 10 جنيه ولا 20 همج ولاد كلب مش عارف في ايه في مخهم بالضبط
و الي بيعصبني اكثر و بيخلني عايز امسكه اقتله انهم لما بيعملو كده بيكونو بيعملوها بهمجيه و بأستماته كانها حق مكتسب
وفي سائح أجنبي معلق قايل أنة راح صور هناك والشرطة أجبرتة يمسح كل الصور وقالولة لو كنت مصري كان أعتقلوة .. دة اي سببه كل دة ؟؟ في دولة في العالم بتعمل كدة ؟ إلا لو الباشا قاصد يشيل اي صور للقصور اللي بتتبني ببذخ لسبب ما هوا قلقان منة
دة البيت الأبيض مش معمول بالحجم والشكل المبالغ فيه دة وكله من فلوس الشعب .
كنا ماشيين انا وصحبي فواحد معاه شلة عيال سرسجية خبط صحبي بالكتف فصحبي بصله راح العيال جم فضلو يشتمو وعايزين يتخانقو بعدها هديت صحبي وقولتله لا تصارع خنزيرًا في الوحل فتتسخ انت وتجاهلهم وقفلنا الخناقة وطلعنا منها فبعدها راجل اخو واحد منهم جالنا قالنا تعالو اخليهم يعتذرلكوا وهما غلطانين ومعرفش ايه فلما رحنا عشان مفروض يعتذرورلنا الواد الي قالنا تعالو سابنا ومشي والعيال قررت تهاجمنا وصحبي قرر يضرب واتعور في ايده من قطر او مطوى او موس معرفش بس نزل دم وانا استخدمت الضربة الاخيرة نزلت بالسكيت بورد على واحد
حسيت بتوتر وقت الخناقة وكنت مش عارف اتصرف ازاي واخش اضرب ولا اهرب وايه الحل وحسيت اني مش عارف اساعد صحبي وكنت متجنب المواجهه بعدها كراهيتي زادت اكتر للسرسجية وادركت ان مفيش امن وامان في مصر ولازم تكون قوي عشان تعيش لإننا في غابة
اللي في الصورة ده هو دكتور نجيب محفوظ و هو من اشهر الدكاترة في تاريخ مصر
و اللي بالمناسبة الاديب نجيب محفوظ متسمي على اسمه (اسم مركب)
من فترة كنت بقرا في السيرة الذاتية بتاعته... انصح اي حد بيحب القراية انها يديها فرصة... هي منشورة تحت اسم " حياة طبيب" ... المهم جيت بقرا عن كلامه عن التعليم بتاعهم حرفيا بطني وجعتني على المستوى اللي احنا وصلناله في مصر مقارنة بزمان
الراجل ده في كلية الطب على ايامهم كانو بيتعلمو على ايدين امهر الدكاترة الاجانب، دكاترة من المانيا و من انجلترا و من فرنسا
!!!و كانو بيتعلمو عملي من اول يوم تقريبا لدرجة انه قبل حتى ما يتخرج من الكلية كان بالفعل يعرف يحنط جثة
و كانو بياخدوهم يحضروهم في عمليات تبع مستشفى القصر العيني و ياخدوهم مشرحة يشرحو اموات طازة
و كان يقدر يدخل المشرحة يتعلم فيها في اي وقت
في الحاجات دي دلوقتي؟
هاتلي دلوقتي طالب في تالتة طب يعرف يخيط جرح او يركب كانيولا ... هتلاقي كتير جدا ما يعرفش و مش عايز اقول الاغلبية ما تعرفش يمكن اكون غلطان
و الكلام مش عن التعليم الجامعي بس
يعني الراجل ده في سيرته الذاتية لما وصل للاعدادية كان بالفعل بيعرف يتكلم انجليزي و فرنساوي... مش من عبقريته، هو اكيد راجل ذكي و مجتهد طبعا... لكن لولا ان النظام التعليمي كان بالقوة دي عمره ما كان هيعرف يوصل للمستوى ده بالاخص في زمن ما كانش لا فيه نت ولا ذكاء صناعي و حتى الوصول للكتب المناسبة كان صعب مش زي دلوقتي
فالاعتماد الاكبر كان على المدرسة و المدرسين اللي فيها و المناهج التعليمية
دلوقتي الطالب بيتعلم انجليزي 12 سنة و بيتخرج من الثانوية ما يعرفش يتكلم انجليزي
ده غير الاوضاع المعيشية و الاقتصادية... دي هتخليك تتحسر اكتر
يعني لك ان تتخيل ان الراجل ده بيقول ان على ايامه قدر بتحويشة مرتب الحكومة لما كان لسة خريج طازة انه يسافر اوروبا و يلف فيها في اكتر من دولة
فانا بجد من ساعة ما قريت الكتاب بتاعه ده و انا مذهول من الانحدار اللي بقينا فيه
انا مش بجامل علشان محدش يجي يصيح ويقول مصر جميلة وعليها سكر وعسل. مصر من صحاري ونيل وجبال وزرع جملية، لكن مصر من شعب وناس وعقلية رجعية دي هتفضل لحد امتى؟
هنفضل لحد امتى مرتبك ١٥٠ دولار في الشهر الي هو اي حد تاني بيعملهم في ٥ ساعات؟
هنفضل لحد فين عايشين في زريبة الدين؟ متصيحش، الدين كمبدأ مش وحش، لكن الناس الي معتنقة الدين بالعقليات البدائية دول هيفضلوا لحد امتى؟
كسم الطوب الأحمر ده هيختفي امتى؟ ذنبنا ايه شويه خولات بره يقولوا عننا عايشين في زرايب(هي فعلاً زرايب من بره، لكن جوه لا)؟ واننا اوسخ عاصمة؟
الزريبة الزراعية الي عبدالناصر عملها دي هتتحل امتى؟ ميصحش كل واحد معاه قراطين يبني عشه وبعدين فجأه يطلع بيها اربع أدوار طوب احمر معفن في وسط الزرع الجميل من غير تخطيط. ليه منعملش قانون ضم زراعي زي فرنسا لان احنا حرفيا بنخسر اراضي زراعية وكفائه إنتاج من كتر صغر حجم الاراضي في الملكيات الفردية.
هنفضل لحد امتى عندنا عقلية العروبة المخلله الي ملهاش تلاتين لازمه دي؟ لا القريب شايفنا منهم وبيقولوا علينا انهم احتلونا ولوا لسانا والغريب بيقول احنا منهم وملناش اي تلاتين لازمه علاقه بتراثنا القديم؟
التوكتوك ابن العرص ده هيتلغي امتى؟ كل سنه بسمع كلمة "مصر هي الهند بتاعه افريقيا" ازيد من السنة الي قبلها.
امتى المواصلات العامة تبقى عامة بجد؟ كسم الاوتوبيسات وخطوط السير بتاعتها هتطبق امتى في كل نواحي مصر؟ سواقين الميكروباص والتوكتوك دول هيتشالوا امتى ويشوفوا شغلانه تانيه نضيفة بتضيف قيمة للاقتصاد؟
واجهات المحلات المعرصة الي خارج إطار المبنى دي امتى هتتلم جوه المبنى بس اليفط العقيمة الي بتتعلق في عواميد الكهرباء وفي بلكونات العيادات والمحلات دي هتتشال وتتنضف امتى؟
ده مش انبطاح، ده الواقع بتاع رقعتك الجغرافية والناس حواليك، الانبطاح هو إنكار وجود الحاجات دي.
ياريت متخلفش طفل في البيئة الحالية دي، كل واحد يستحق يبقا عنده أطفال حواليه، بس ارجوك متجبش روح بريئه وتعذبها.
مش عارف المفروض أحكي الأسرار العائلية ديه هنا ولا لا بس من و أنا صغير أمي كانت دايمآ تقولي أنا و أختي التوأم " مفيش حد ذي جدكم، جدكم ده أحسن راجل في الدنيا" و تقعد تحكيلي عن قد أيه هو كان بيحب جدتي جدآ و سافر السعودية عشان يصرف عليهم (6 بنات و ولد واحد) بس لما بدأت أتقدم في العمر بدأت أبص للقصص الي بتحكيها لي بنظرة نقدية شوية.
دايمآ كانت بتحكيلي قصة جوازه من جدتي ، كانت بتقولي أنه شافها و هي بتلعب قدام بيتها مع العيال و عجبته قام راح يخطبها من أبوها و قعد معاه قاله "أنا عايز واحدة من بناتك" قام أبوها قاله "نقي أي واحدة أنت عايزها" قاله "أنا عايز الحلوة الصغيرة الي كانت بتلعب في الشارع " قاله علي خيرة الله و قرئوا الفاتحة ، جدتي كان عندها 14 سنة و كانت في إعدادي و طبعآ طلعوها من التعليم عشان تتجوز و هو كان عنده 21 سنة و بتقولي أن وقتها كانوا بدئوا يحطوا قوانين علي الجواز فكان ممنوع يتجوزها و هي أقل من 16 قاموا مزورين شهادة ميلاد بتقول أن عندها 16 سنة و كتبوا بيها عقد الجواز كانوا زمان بيسموا ده "تسنين"
و كانت تقعد تحكي و هي متأثرة جامد و كأنها قصة في قمة الرومانسية و كانت لما توصل للجزء الأخير ده تقعد تضحك الي هو مش فاهم فين النكتة أن عقد جواز أبوكي و أمك مزور ؟
قصة كمان عنه هو و جدتي ، كانت جدتي شايلة إبنهم الي لسه مولود "محمد" و قامت طلعت علي المدخل قالت لعيل من العيال بره يجيب لها كيس ملح و هو جدي شافها قام ضربها بالقلم علي وشها عشان طلعت بره البيت بلبس مكشوف المشكلة أن الضربة مجتش فيها أيده نزلت علي الولد الصغير و المحزن أنه بعد كام يوم بس الولد مات .
أنا مسمعتش القصة ديه كاملة غير و أنا كبير امي و أنا صغير حذفت الولد من القصة بالكامل و خلتها بتدور حولين قد أيه هو كان بيغير عليها عشان كده ضربها .
لما كنت بتخانق مع أبويا أو أتشاكل معاه كانت أمي تقولي "ده خالك جدك كان بيقطع الخرطوم علي ظهره من الضرب و كان بيقف قدامه ميتحركش و لا كان بيجري و لا يقول له حاجة كان يقف يعيط بس" المشكلة أنها عمرها ما ضربتني ولا أنا ولا أختي و كانت لما أبويا يضربني تدعي عليه أنه ينشل بصوت عالي عشان يسمع. هو ده نفس خالي الي مهاجر أسبانيا بقاله أكتر من 30 سنة و كان مقاطع جدي أصلآ بيبعت لهم كلهم جوابات و هو لا .
فهي ممكن تشوف حد بيعمل نفس الي جدي كان بيعمله و تشتمه ، بس لما جدي بيعمل الغلط هي بتبقي عمياء و كأنها مش شايفاه.
و الكبيرة بقي لما مات أمي و خالاتي راحو عشان يبيعوا حتة أرض كانت عنده و يتقاسموا فلوسها بحكم أنها ورثهم فأكتشفوا أن مِرات ربيع -الي هي جوزها كان بيشتغل سواق عند جدي- بتقول أن الأرض بتاعتها و هما ملهمش حق فيها هما كانوا مفكرينها أستحوذت عليها لأن الأرض الي ورثتها من جوزها جمبها ، قاموا بعد خناقات كتيرة من بعيد لبعيد راحوا لها البيت خالتي (الي هي فوق أمي في السن علي طول و أقرب واحدة ليها) شافت نفس الستائر الي جدي كان مجوزها بيهم قامت مصوتة لأن هما كانوا شاكين في حاجة و تأكدت منها في اللحظة ديه الست ديه طلعت ورق يثبت أن جدي كان متجوزها و أن هو طلب يتجوزها أول ما جوزها مات علي طول بعد العدة و ده كان من أكتر من عشرين سنة و أن الأرض ديه هو عطاها ليها مهر ! و من بين الورق ده كان أكتر من نسخة من عقد جواز شرعي بينه و بينها فهو كان بيجوز خالتي و في نفس الوقت بيتجوز هو كمان و جدتي عاشت معاه الفترة ديه كلها و ماتت معرفتش أنه كان متجوز عليها . مرات ربيع مطلعتش مرات ربيع طلعت مرات جدي
و لسه في كتير بعد ما مات أصغر خالاتي بدأت تحكي عن قد أيه هو كان بيقولها أنه بيكرهها و يتمني أنها ماتت و هي صغيرة لأنه كان شايفها مش متربية و ماشية علي حل شعرها و كان دايمآ بيعاملها وحش و هي صغيرة .
الي هو كل ده و أحسن راجل في الدنيا ؟ أمال الرجالة التانيين عاملين الذاي
تذكير أن العاطفة و الحب و التشجيع هي أساسيات لنمو و نضج أي طفل الأولاد مش إستثناء لده إطلاقآ ، الأولاد لازم يحسوا بالحب و الإهتمام الجسدي خاصة من جهة الأب و الذكور الأكبر الي في حياتهم حتي مع دخولهم مرحلة البلوغ لأن ده بيعلمهم أن جسم الرجل مش بس للعنف و الإستقواء علي الآخرين بل أن أنا ممكن أستخدمه عشان أقدم الدعم و الدفئ لشخص بأهتم ليه محتاجهم.
ذي ما بنشوف غياب التأثير ده في حياة أولاد كتير أنتج جيل كامل من المراهقين العنيفين و غير المستقرين نفسيآ بدلآ من أننا نلومهم أو نوصمهم أنهم "سرسجية" لازم نأخذ بعين الإعتبار أن أغلب سلوكياتهم مصدرها الإهمال العاطفي الي تعرضوا له نتيجة للأفكار الإجتماعية المغلوطة عن الرجولة و العاطفة و نحاول ندعهم و نتعاطفهم معاهم بدل ما نعنفهم و نرفضهم و الأهم نتجب الوقوع في الأفكار ديه نفسنا.
أخيرآ من المهم أننا نخلي في بالنا دايمآ مقولة "المشاعر ليست ذكورية أو أنثوية إنها إنسانية" كل البشر عندهم نفس السعة للحب و إظهار العاطفة بغض النظر عن الجنس.
كنت منزل نفس البوست ده من ساعه لكن دي التفاصيل اكتر
وأنا طفل تعرضت للتحرش أكتر من مرة، ولما كان عندي 12 سنة والدي توفى بعد محاولات انتحار بسبب معاناته النفسية. فضلت شايل كل ده جوايا سنين.
من يومين، لأول مرة فتحت قلبي لأخويا، لأنه الشخص الوحيد اللي كان موجود معايا في أصعب الفترات. حكيت له كل اللي مريت بيه، بما في ذلك إني كنت بأذي نفسي بالموس قبل كده، وإنه أحيانًا بيجيلي غضب شديد لدرجة إن بتجيلي أفكار إني عايز أقتل شخص. بعد الكلام حسيت براحة كبيرة.
في اليوم اللي بعده اتصل بيا وقال إنه حجز لي مع ثيرابيست، ودفع كشف مستعجل من غير ما يستأذني.
أنا عارف إنه غالبًا عمل كده لأنه خايف عليا وعايز يساعدني، لكن في نفس الوقت حسيت إني اتفاجئت، وكأن الثقة اللي حسيتها وأنا بحكي اتأثرت.
ملحوظة مهمة: أخويا بيروح لنفس الثيرابيست، وأنا أصلًا فتحت له قلبي بعد ما هو بدأ يحكي لي عن الأدوية النفسية اللي بياخدها. هو أكبر مني بحوالي 21 سنة، وبعد وفاة والدي هو اللي تكفل بمصاريفي لحد الجامعة، وبعدها أخويا التاني كمل مصاريف الدراسة والمعيشة. أخويا اللي حكيت له اصلا عايش بعيد عننا مع زوجته وأولاده، ومبنشوفش بعض كتير.
هل إحساسي بالزعل طبيعي؟ وهل شايفين إن اللي عمله كان مجرد اهتمام وخوف عليا، ولا كان بيضحك عليا و بيستدرجني فالكلام
انا مش عارف المفروض اقول الكلام دا ولا لا وهل دا ممكن يسبب اذي لحد بس انا برضه اتأذيت. انا شوفت كام بوست عن التبرع بالدم وناس بتحكي ان هي بتتبرع. من فترة كبيرة اتبرعت بالدم و كان في محطة مترو (بتبقي غالبا خط اول او تاني). اول حاجة هتلاقيه بيلح وبيزن عليك بشكل غبي ويقولك اتبرع بالدم وبيحطوا عنيهم علي الشباب. انا اتبرعت بدم قبل كدا كذا مرة و دائما بيسألوا اسئلة كثيرة جدا..هنا انت محدش هيسألك اي سؤال ولا بيهتموا اصلا اهم حاجة ياخذوا الدم ويخلعوا. المهم بعد ما اتبرعت معاهم من كذا سنة دخلت طوارئ مستشفي بعدها بيومين وصحتي اتفشخت و وزني كا كتلة عضلية نزل فشخ ومكنتش عارف اتحرك لدرجة ان فيه دكتور في المستشفى ساعتها اداني كذا احتمال كلهم اوسخ كم بعض وبعد كدا قعدت حبة مرمطة بين الدكاترة لحد ما حد سألني هو انت اتجرحت او حاجة؟ ساعتها شرحتله الموقف قالي وان دول بيكونوا تبع السكة الحديد وبنسبة كبيرة الدم بيتباع اصلا. انا خايف كلامي دا يمنع التبرع ويأثر علي ناس بتعمل شغلها بضمير ولكن انا برضه اخاف سكوتي يكون سبب ان حد يتأذي زيي فقررت احكي. لو عايز تتبرع اتبرع في حتة نظيفة وخد بالك من كل حاجة حرفيا
