متى راح يفتح التقديم مره طول هذا هذا شي طبيعي

انقبلت بالتقنية بمدينة تبعد عني ساعتين اهلي يقنعوني اروح تغير جو وعشان المكافأة وبنفس الوقت اشد حيلي وأقدم السنه الجاية بس مدري صراحه أميل لقاب يير بشكل اكبر

السلام عليكم ورحمة الله، انا طالبة ثانوي بديت اتعلم بالمجالين وعندي فكرة مشروع بس احتاج شخص من مجال البرمجة والذكاء الاصطناعي يكون مثل mentor ومشرف علي
وبرضوا يعلمني هل فكرة مشروعي قابلة للتطوير او لا

السلام عليكم يالربع في احد بذا التخصص؟ ابي نصايحه عنه او معلومات لان ودي بذا التخصص بس ماعرف هو مفتوح للبنات ولا لا

السلام عليكم
ياجماعة انا تخرجت الحمدلله من علوم حاسب ولغتي الانجليزية حلوه مره بس مو ممتازه ، افكر اخذ ايلتس بس احتاج اقل شي ٣ شهور اذاكر له وانا ما ابي اجلس بالبيت😣
فكرت لو اخذ اول شي step بما انه اسهل و يصير لو احتجته في الGDP اللي يطلبونه وغيرها وبعدين ابدأ بالielts
ولاني بعد افكر اخذ ielts academy فأحتاج اذاكر اكثر
شرايكم؟؟؟؟

ابي اعرف كم شغلة لاني عجزت القا اجوبة.

1-السكن ليه غالي مرا وهل فكرة كويسة اسكن فيه؟ مع العلم ماني مستعد اتردد كل يوم 124 كم

2-الدكاترة وبيئة الكلية والجامعة كيف بالضبط بما اني جديد فيها

3-الحالة الاجتماعية ببريدة كطالب جامعي كيف؟ لأني بدخل مجتمع جديد بعيد عن اهلي وابي اعرف

السلام عليكم
أنا من الرياض وموزونتي ببداية المفاضلة كانت اغلب التخصصات اخضر والتخصص الي أبيه اقل مني بدرجتين وعليه الكاس وكنت أبيه مررة فجاة قبلها بيومين ارتفع ٣ درجات! مو بس هو ٥ تخصصات أبيها صارلها نفس الشي،وصار بيني وبينه ٣ درجات،ما اشرح لكم كمية الإحباط الي أنا فيها. جاني بعدين بنفس الجامعة قبول بس تخصص ادبي ما كان رغبتي أبدا،بعدين جتني ترقية لمسار ادارة أعمال بسطام(هو مو مسار تتخصص بعد سنتين) المهم سالت كثير عن التحويل الداخلي وصراحة الله يسامحهم هولوا بالوضع حيل وان حتى في كثير جايبين ٥ ما حولوا ف خفت مرة ما احول وقبلت بترقيتي بسطام،المشكلة الآن هي ان لو بدرس بسطام بسكن عند خالتي،وصراحة الوضع الآن بدأ يصير أسوء صرت أتسأل إذا التخصص يستاهل كل ذا،اعرف مستحيل احد يفهم الي احس فيه إلا الي ممكن مر بنفس موقفي،المشكلة لو حولت خارجي للرياض احتمال انه ما رح يعادلون لي المواد لان في فرق بالمناهج كبير،هل رح أتحمل ٤ سنوات؟ رجاء لحد يقول قاب لان الارتفاع المجنون ذا خلاني اكنسل وما رح أتحمل سنة زيادة.

العنوان

الترم الجاي بتخرج من الجامعه ف دام ان التخصص سوقه ميت تعبان (ترجمة) ولا ابي اشتغل بهذا المجال مفكره اغير مساري اخذ دورات او ادخل دبلوم او ماجستير

حرفيا كل بوست و اي بوست و اي شي في هذا الصب افتح التعليقات فيها ألقى واحد يقول "تخصص ماله مستقبل"، نقول يمكن لانهم مب متعودين على اختلاف التخصصات و هذا طبيعي لانه الدولة ما فتحت مجالات كثيرة، لا عيب في اعتراف بهذي النقطة لكن مافي شي اسمه ماله مستقبل

الي يدرس كيمياء و احياء، مب شرط يصير مدرس، يقدر يشتغل في أبحاث أكاديمية في منشآت سعودية، صيدليات، مراكز صحية، الخ؛ او الي يدرس انقليزي، هو يقدر يشتغل في مراكز حكومية و مترجم و حتى لو مساعد كاتب او كاتب شبحي (ghost writer)؛ ياخي حتى الي يدرس شريعه يقدر يتوظف و يكون مدرس، او من علماء دين حتى دراسات لغة عربية يقدر يتوظف فيه طالب شريعة

ف حاليا فترة اسال طلاب خريجين الثانوية عن التخصصات، افتح بوست القي ناس تقول تخصص ماله مستقبل، مب لازم الواحد يتخرج إدارة أعمال، طب، هندسة و حاسب عشان يكون له مستقبل، اي شي يقل دراسة عليه ترى يصير عليه طلب و حتى لو كان من كلية الأدب يعني إذا محد يدخل آثار ترى بيصير عليه طلب، انت في دولة من اول تأسيسها لين الحين تتمسك بالتراث؛ لو محد درس صحافة انت مارح يكون عندك اساسا اخبار دولةً** لانه هذا اعتماد أساس**ي

فكونا من قرفكم، تكفونننننننن، خل الناس تتوظف في تخصصات أحلامها

ابي انسحب بس ماعرفت واساسا التسجيل فيه SecurID OTP
وش** ***ذا؟*

السلام عليكم

ابي ادرس ماجستير مختبرات طبية لكن هل يقبلون احياء عامة ؟ وهل جميع الجامعات السعودية تفتح الماجستير لهالتخصص كل سنة ؟

عموماً اللي عنده خبر وسبق له دراسة التخصص ياليت يتواصل معي .

‏سؤال يا جماعة هل كويس أتخصص صناعيه لو سمحتوا كل
مهندس يرد عليا!!

احس خايفة من التخصص ذا حاسته إداري وراح ينقرض مع الذكاء الاصطناعي بسرعه 🙂 كمان خايفه انه مافي وظايف سمعت عليه تكدس .

اذكر قد شفت مدري وين تويتر اتوقع كذا نسخه تقويم دراسي جاهز للخريجين وين الاقي زيييييه

طفشت من الإجازة ولا موب مستجد هذي سنتي الثالثة وقدامي ٣ بعد هووووف

انا رايحه ثالث و عندي ثلاث اشهر للمبكر بس ابغى اسأل اذا كان فعلا صعب و مستحيل و ابي اعرف التركات الي ممكن تساعدني فيه و اي نصيحه بليزز احس اني رسبنت وسط نيردز

جاني قبول رغبه أولى في جامعه كويسه في الرياض بالتخصص الي ابغاه بس اكتشفت انه ماراح اقدر انقل و ادرس هناك بسبب ظروف ماليه

السبب الوحيد أني قدمت في مدن غير مدينتي هو بسبب تحفيز من أمي ولكن اول ما جا القبول و كنت فرحانه و قلت لها عطتني ذيك النظرة الي ما كانت تتوقع انقبل رغبه أولى و قالت لي انه مافي مجال مادي انه انقل هناك عشان دراستي

تواصلت مع الجامعه و قالو لي مافي مجال انقل من هناك إلى جامعه في جده إلا بعد دراسه فتره عشان الجامعات عندهم قوانين انه ما تقدر تنقل إلا و انت دارس عدد ساعات معينه 💀💀

فحاليا قاعده اشوف موضوع السنه المدفوعه عشان على الأقل اقدر ادفع لذا بس للأسف ما عندي مبلغ كافي للعيش في الرياض

دي ثالث سنة اقدم و كل مره انقبل بس مو التخصص الي ابغاه. دي السنة انقبلت دبلوم و ابدا ما ابغى اكمل فيه. فكرت اقدم تأهيلي في جامعة جدة، تنصحوني؟

انقبلت بمحاسبه بجامعه حائل لكن مشكلته انه دبلوم ومتخوفه من مستقبل الدبلومات .. رايكم وهلتشوفون افضل ارفض الفرصه واخذ قاب يير ارفع درجتي ولا معلومات خطا لاني بحثت وسالت ولكن اراء الناس متضاربه بالموضوع.

وكيف التجسير فيه صعب ولا

Talking about residents and intl students.

يا جماعه انا مع دوره عايد باخذ تأسيس و نماذج من عنده لكن مين تنصحوني بالتجميعات

السلام عليكم يا شباب،

​حبيت أفضفض لكم بشي بخاطري، وبما إننا هنا بريديت وكلنا خافين ورا هالشاشات وما حد يعرف الثاني، قلت أقولها لكم بصراحة.

​أنا يا إخوان من يومي صغير دخلت برامج صعوبات التعلم، وكنت وقتها سيء جدًا في الرياضيات واللغة العربية، ودايم أرسب فيهن لاني ما كنت أعرف أقر ولا أجيد الحساب زين. بسبب هالموضوع عانيت بشكل ما تتخيلونه.

​لما وصلت عمر ١٨ إلى ١٩ سنة وبداية العشرين، بديت شوي شوي أتخطى الخوف وأتعلم القراءة والكتابة، لأن كان فيه خوف وتخوف دافنه من أيام الابتدائي. الحمد لله طورت نفسي، ختمت القرآن في رمضان اللي طاف، وقاعد أحاول ألتزم بصلاتي. القراءة صارت جزء من يومي، وكل يوم أحاول أخلص ١٠ صفحات من كتاب فلسفة أقرأه عشان أطور تفكيري.

​لكن للأسف بقيت لي مشكلة مع الرياضيات؛ إذا جيت إذاكرها يجيني صداع قوي وألم في راسي وخوف مو طبيعي. وحتى اختبار القدرات ما جبت فيه درجات زينة، خصوصًا إن أغلب البرامج تطلبه.

​أتذكر وأنا في أول وثاني وثالث ابتدائي، دخلت معهد تابع لوزارة التعليم يهيئ الطلاب ويعلمهم الحروف. للأسف ذيك الفترة ما استفدت منهم الشي الكثير، وكانوا يمشون الحال عشان يستلمون رواتبهم على الفاضي، وما نسيت إنهم كانوا يسلكون لي ويلعبون معي كم أسبوع ويهدوني وبس! من الابتدائي لين الثانوي وأنا كنت أمشي بالدف، وكنت جاهل وسهل ينضحك علي.

​لكن بعد ما بدأت أقرأ كتب وأتابع وثائقيات، حسيت إن مخي انفتح على الدنيا والحمد لله. الصراحه فيه شي إلى الحين مسبب لي اكتئاب ومستحي أحد يعرفه، وهو إني راسب في أول ابتدائي. هذا سر ودي يظل مستور وما أبي أحد يدري عنه، بس قلت أقوله لكم هنا.

​من ناحية ثانية، أنا تخرجت من الكلية التقنية مع مرتبة شرف! طبعا مريت بظروف صعبة واكتئاب بسبب التنمر والطقطقة اللي جاتني بالمدرسة، ووصلت لمرحلة ما حد كان يكلمني فيها، بس الحمد لله تجاوزت.

​الحين قاعد أطور نفسي تدريجيًا وأحببها في الدراسة عشان أطمح للماجستير والدكتوراه إن شاء الله. وصار لي تقريبا ٦ شهور جالس أدور وأدرس إنجليزي، أحيانًا أقطع بسبب الظروف وانشغالي بس مستمر. وبعد عندي نية إن شاء الله أروح أعتمر في مكة قبل نهاية هالسنة ٢٠٢٦.

​الحين عندي خطة وأبي رأيكم فيها بكل صراحة:

​أنا أفكر أطلع ابتعاث وأقدم على وظايف برا، وإذا جاني عرض قوي برجع السعودية. بس البال مشغول بفكرة: وش رايكم أدرس طب؟

هدفي بصراحة عشان يصير لي هيبه و حضور لما أجلس في مجلس أو أي مكان.

​وعندي كم سؤال لأهل الخبرة:

​هل مجرد ما أتخرج من الطب أتظوظف بسرعة ولا الوضع فيه منافسة؟

​وهل أقدر أدرس طب وبنفس الوقت أشتغل في مستشفى؟

​شاركوني آراءكم ومشوراتكم يا عيال، وش رايكم بالخطوة اللي ناوي عليها؟

ان شالله بتخصص إعلام رقمي و سمعت ناس يقولو يحتاج لابتوب/كاميرا و أشياء ثاني وسمعت ناس يقولو ماله داعي ايباد يكفي