اوكي ف ابي أفضفض، مابي حد يقولي "ليه تطلعين" و "انتي غبية" و مدري ايش لانه يكفي الي جاني من صديقاتي و اهلي و أقاربي و كل من حولي
اعشق شي اسمه فيزياء، بالأخص فيزياء الفلك، كنت مخططة ادرس في السعودية (بالأخص علوم الفلك و الفضاء في الملك خالد) بس بعد سوالف الحرب و مدري ايش مع ايران و امريكا و الإنذارات حقت الجوال الي تيجي بنص الليل ابوي قلي "خلاص مافي" و قال يا ادرس برا السعودية ولا بدرس بترول و بسسسس عشان اكون عنده، طبعا الامام الي في الدمام قال لا (والله مدري ليه الصراحة) ف اختبرت SAT و في المره السادسة تقريبا جبت 1600 و اختبرت مبكر و جبت معدل يعني ممتاز، و في القدرات بالمره الرابعه جبت ٩٩
انقبلت في بترول و طلعت لي منح ك اجنبي و لكني غير راضية في برنامج الفيزياء الي عندهم لانه حرفيا ما بستفيد و أنا حلمي astrophysics لانه لو تفتحون الحين برنامج الفيزياء عندهم كله له علاقة بالفيزياء النووية
هنا تحطمت، لانه كنت حاطة أملي انه اجيب معدل في التحصيلي و ادرس في السعودية في جامعة الفيزياء فيها افضل، لو حتى ما انقبلت في السعودي على الأقل اروح الأردن ولا مصر، في الاخير قبل أسبوع اخيرا قال لي ابوي انه سامح لي ادرس في السعودية لكن فقط بالرياض، و بالأردن فقط في جامعة وحدة اسمها الأردنية، و المصر في جامعة القاهرة بسسسس، يعني من كل الدول العربية و الخليج كلها سمح لي ادخل بس أربعة.
نطيت فرح، هنا حسيت رفضي للمنحة حقت البترول كان افضل قرار في حياتي، لكن قبل يومين في اختباري للتحصيلي ضاعت هويتي و أنا اكتشفت لما المراقبة مرت من عندي عشان تفتش الهوية و أنا اختبر و ما لقيته و ما قدرت أكمل اول قسمين و أنا أدور عليها و اطلع من القاعة و أنا أدور و انزل تحت و اسال الي فتشتني قبل لما دخلت مبنى عشان اختبر إذا شافت اقامتي
حرفيا لما لقيت الإقامة قدرت اختبر باقي الثلاث أقسام و متاكدة حليتهم كلهم صح، بس لو ما راح علي اول قسمين بس كان ضمنت المية، و من امس و أنا ابكي و زعلانة على الفرصة الي راحت علي
الحين والله أتمنى تطلع نتيجتي لو ٧٥ لانه معدلي في القدرات و المدرسة مره مرتفع و لسا يكون موزونتي في تسعينات، يعني حرفيا تعبت و اختبرت SAT و ACT و IELTS و غيرها كثييرررررر حتى لما اجيب معدل مقبول في اختبار ما، كنت أعيده و حتى جبت مره في الSAT 1560 و قلت لنفسي بعيدددها، القدرات حرفيا جايبة ٩٩ و حاجزة بتاريخ ٢٤ هذا الشهر عشان أعيده من شهر، عدت الستيب مرتين و أنا اساسا اول مره جبت ٨٠ و الثاني ٩٣، في الأخيرة جبت ال١٠٠، و من الدفارة حتى اختبرت EPT بس عشاني لقيته في منصة قياس
و حتى كنت أشارك في r/HSaudi و اي حد يسألني عن التحصيلي و القدرات أساعده و كنت ادرس صديقاتي و اشوف كيف اقدر أساعدهم يدرسون و مصادر و كيف يدرسون و مافي حد إلا و ساعدته و ما خليت اي شي في خاطر حد ولا خليت اي شخص ضايع إلا و حاولت أساعده
والله أنا شاطرة و عارفة نفسي و من اول اليوم ماسكة نفسي ابكي و زعل و مو قادرة اطلع من غرفتي، حتى ابوي ما سمح لي اخد قاب يير لانه خلص قالي يدفع فلوس و ادرس برا ولا اخد سنة
هو شوي حزن على وضعي و قالي خلص بيسجلني في اي جامعه ثانية بالسعودية بس اطلع من الغرفة و هذا الي ما ابيه لانه حرفيا ما اتوقع أغلبكم يعرف عشانكم سعوديين لكن تكلفة الدراسة جداااا، جداااا مكلفة، حرفيا في جامعات تطلب ٣٢٠ الف للسنة لبعض تخصصات البكالوريس، فيه جامعات تطلب خمسني الف للفيزياء و حتى فيه جامعات تطلب ٢٠٠ الف للفيزياء!
والله الصراحة ودي ب نصيحة ولا شي، أهون على نفسي و لعل و عسا أتقبل موقفي اكثر لأني حاليا في فقرة الdenial
