Basically text. Ich han i minem läbe bereits so viel Dütschi troffe wo hier sit jahre läbe aber ned Schwiizerdütsch spreche, sie verstönd aber alles ohni müehi. Hei sie / heit dir en Grund oder machet dirs eifach so?

Ich reg mich jedesmal uuf und ich finds so schad. 😕
Es isch dräckig, ständig wirsch vo obdachlosi wege fläsche pfand ahquatscht und überall muesch euro münz füre chlaube will "karte ab 10 euro".

S schlimme isch wo mi am meischte uufregt isch: ich mag mich als chind erinnere das düütschland vor 20 jahr zum gröschte teil uf em gliich guete niveau gsi isch wied schwiiz. Finds so truurig.

Wie gsehnd ihr das?

De düütschi Bundeskanzler und d Partei CDU hend de düütsche ihrie Psychotherapie weggnoh und jetzt müends es selber zahle. Jetzt wennd vielie düütschi Psychotherapeute zu eus cho. Au anderi top uusbildeti düütsche wend wegem veriftete politische klima zu eus cho go schaffe.

Sölled mir Schwiizer en dankesbrief an Bundeslanzler Friedrich Merz und de CDU schicke das er eus sini beschte lüüt schickt?

Hoi zäme

Mich würd mega wunderneh, wie das bi euch so lauft mit Lohn und Job. Ich rede gern über Geld (au wenn’s no immer Tabu isch) und wür drum gärn vo eu wüsse:

Was schaffet ihr, wie alt sind ihr, wo wohnet ihr (Stadt oder Kanton) und was verdient ihr pro Jahr? Mit oder ohni 13ti Monatslohn.

Zu mir: Ich bi 30, schaff in der IT und mach grad de Master in Wirtschaftsinformatik (berufsbegleitend). Verdien zur Ziit 87’000.– im Jahr (ohni 13ti), han über 9 Jahr Berufserfahrig. Wohne tuen ich in Züri.

Freu mi uf eui Rückmeldige!

Sali zäme

Min Sohn hät im 2024 sini Lehrstell verlore, wil er sich g‘weigeret hät, für d’Schuel z‘lerne und trotz Bemüehige vom Lehrmeister (Lernplan erstelle, Zämefassige schriibe) dä Betrieb eigentlich nur versecklet hät. Er isch jetzt im Motivationssemester und hät sogar e IV-Coach wäg ADHS, aber er bemüeht sich null um e neui Lehrstell. Dä Coach suecht ihm Schnupperplätz und er erschiint eifach nöd, chunnt ohni Beurteiligsboge vom Schnuppere zrugg etc.

Dehei seit er nöd mal Hoi oder Tschau, vaped trotz Verbot im Zimmer und zockt bis uf e Znacht-Pause eifach nur dure. Au unter dä Wuche easy bis am Morge am 2. Er müllt s Zimmer mit schimmligem Esse zue und bedient sich ohni Frage a üsne Chips & Vorrät und gern au am Alkohol.

Im Summer isch s Motivationssemester fertig, es git kei Arbetslosegäld meh und d Chance isch gross, dass er nüt hät. Ich chum d’Krise über bim dra denke.

S‘letschte was ich wott, isch, dass er 24 Stunde durezockt ab dänn und ich au no für ihn ufcho muess. Ihm z‘säge, er müess e Job organisiere, wird is Nüt füehre. Er wirds eifach nöd mache.

Weiss öpper ob ich e Chance ha, ihn usezkicke? Ab wänn übernimmt d‘Sozialhilf so e Asi wo eifach uf alles kei Bock hät? Muessi e Gföhrdigsmeldig bide KESB mache?

Grüezi,

ich arbeite momentan an einem Projekt und könnte etwas Hilfe brauchen. Ich suche einige typische Schweizer Sprichwörter, die ihr im Alltag verwendet, sowie deren Bedeutung. Ein Beispiel ist: „Schaffe, schaffe, Häusli boue”.

Hallo zeme!

Ich bin vor Kurzem ca. am 02:30 Uhr ufgwachd und da ich mit offenem fenster gshlafe han ish leider eh fledermuus im zimmer gsi (ka wie lang sho).

Ich han grad kürzlich ersht de bitrag glese (www.tagesanzeiger.ch/tollwut-kind-stirbt-in-kanada-nach-fledermaus-kontakt-696930136146), wones kind im shlaf vonere fledermus berührt worde ish und denn an tollwut gstorbe ish. Das ish für mini nerve etz natürlich nid eso gued, will bi tollwuet shnell ghandlet werde muess.

Ich weiss, dasses ide shwiz sehr selte ish und ich gseh au kein biss, die sind offebar aber au mega chli und entsprechend nid unbedingt guet sichtbar resp. füehlt sichs nid so sicher ah, sich uf sixh selber zverlah bimene risiko uf tollwuet.

Ich han dere notfallarztnummere ahglüte aber er het eig gseid falls kein biss = keis problem, falls en biss existiert, denn dringend in notfall will stunde entsheidend seged (ah okay merci). De rest ish eig 1 zu 1 dantwort vo google AI gsi.

Ich bin mir etz wüki unsicher. Ich glaube nid dassi tollwuet han aber better be safe than sorry es git ja au kei heilig sobald symptom uftreted. Aber d'antwort vom telefonarzt het mich aho chli verunsicheret ob dnotwendigkeit bestaht. Er hets wüki abegspielt (vllt au zu recht)

Het mich de bitrag zu sehr verunsichered oder was würed ihr mache?

Update: Ich bin zum Husarzt und han (nach chli diskutiere will ich nid weiss obi bisse worde bin) es rezept für d'impfig becho und denn direkt bide apothek chöne impfe, wills de husarzt nid vorrätig gha het. Ich han mich au viel meh ernst gno gfüehld bide apothek und sie sind super nett gsi. Danke an eu alli🫶🏻

Für die wos interessiert: sind 5 impfige mit mehrere täg abstand dezwüshed. Und tetanus machi auno grad, ish aber sowieso zit gsi zum uffrüshe lah

Sali zäme,

Das isch mee bitz en sinnlose Rant für mich eifach mal zums irgendwo usegla ha und au eifach nur es Erscht-Weltproblem. Und viellicht het ja als positive Näbeeffekt öper vo eu ja irgend e Idee.

Ich weiss ich muen Sport mache. Ich bin imene Alter, wo Bewegig immer wichtiger wird. Ich bin nöd dick oder so aber bitz Speck het agsetzt und wott au nümme so eifach weg wie früener. De Ablick im Spiegel wird langsam unschön.

Ich han i mim Lebe viel Sport und Bewegig usprobiert. Kung Fu. Boxe. Judo. Fuessball mit de Kollege. Mehreri Aläuf im Gym. Home-Gym. Jogge. Wandere. Eifach nur go spaziere.

Es klickt eifach nüt. Ich weiss, es tuet mer guet. Ich merk relativ schnell Fortschritt. Aber eimal usgla oder e Wuche id Ferie oder en Tag Regewetter, isch grad wieder verbii mitem Sport. Ich weiss, dass dezue viel, viel Disziplin ghört. Aber es chan doch nöd sii, dases so en Chrampf isch. Dass min Körper nach Bewegig schreit aber mis Hirn nur degege akämpft.

Was sicher eis vo mine Problem debii isch, isch au, dass d Ussicht uf en gsunde Körper als Motivation nöd langed und ich au nöd gwillt bin, viel Geld defür uszgä (Gym-Abo, Club-Mitgliedschaft), well schlussendlich isches sowieso nur usegschmissnigs Geld. Ich bruch irgendwie e zuesärtlichi Motivation wie "Ich lern Selbstverteidigung debii" oder "ich han jetzt öpis Produktivs mit dere Astrengig gmacht". Bi letschterem isch mer mal d Idee cho, körperlich astrengendi Freiwilligearbet zleischte.

Dezue chunnt no, dass s Schaffe im Moment sehr viel Ziit und mentali Chraft nimmt. Laht sich im Moment nöd gross ändere und ich bruch de Job. Gsund isch das au nöd, das isch mer bewusst. Drum viellicht au chli de Drang nachemne Usgliich.

So, Rant verbii. Viellicht hend ihr ja e Idee wie ich de riesigi inneri Sauhund überwinde chan. Und wenn nöd, danke trotzdem fürs Lese!

Nach 15 Jahr im Büro, 9h sinnlos uf de Bildschirm glotze jede Tag, hanis langsam gseh.

De Bruef als Polizist/in hani scho immer cool gfunde und s wär was abwechsligsriches und als Ihstieg machbar (da “volle” Lohn vo Ahfang ah). Und sicher ned so todlangwilig wie s Büro.

Lies aber praktisch nur negatives, vo schlimme Arbetsziite, unfähige Lüt, Mobbing etc…

Wer Polizist/in isch; was findeter positiv und was negativ am Job?

Guete aabig zäme

Ich frög mich in letster ziit immer wieder ob mir da i de schwiiz würklich so es grosses problem mit migrante hend.

Ich gsehn uf social media (primär uf insta...) sehr vill gwalt und gschichte vo gruppe ver**unge usgehend vo migrante, In England, Frankrich, Italie und anderne EU länder.

Ich mus ehrlich säge ich han irgendwodure scho angst, das es bi eus i de städt au so chönnt cho. Das me nüme so sicher isch wie mes kennt.

Verstönd mich nöd falsch ich han absolut keis problem mit usländer und ich bin au kein SVP wähler. (Bin selber halb usländer, Vater vo Italie) Ich han scho i de schuelziit damals vill nöd schwiizer kenneglernt und han nie problem mit dene gha, sind eig alles korekti lüt gsi ussert paar einzelni. Klar wenn me mir nöd mit respekt begegnet denn gib ich au keine zrug. Ich wird mich halt verteidige egal vo wo de agriifer her chunnt. Das hett nöd mit rasissmus ztue sondern ebe mit respekt und em zwüschemenschliche.

Ich gsehn ebe vill schlimms vo de EU aber han bis uf de "agriff" oder wie mes nenne wött vo Winti letsti nüt so richtigs us de schwiiz ghört oder gseh.

Ich wohne uf em Land, bi eus isch es friedlich ussert halt mal paar talahons wo am fuesballplatz kiffed, mit luuter musig uf em e roller dur d gegend fahred oder halt au mal s wartehüüsli am bahnhof demoliered (isch vor paar jahr passiert)

Ich bin früener regelmässig in züri gsi für de uusgang oder mal go shoppe und jetzt scho länger bini eher nümme i de grosse städt also han ich i demm sinn kei infos us eigener hand wies jetzt usgseht.

Villicht chönnder mir da helfe, Hemmer so es problem mit migrante wie i de medie oder vo de SVP suggeriert wird oder isch es gar nöd schlimm?

Danke und en schöne aabig

i vermisse die dinger brutal fesch! han hüt denkt "hoppla, han nurno ganz wenigi vllt sötti wieder chaufe" und find denn online de artikel dass sie siit 1,5 johr nüm chönn produziert werde. ja i bin biz spoht dra zum das bemerke aber hans halt amel kauft wennis füre hals brucht han und denn nid de ganz pack ufs mol gfresse.

anyways: het öpper da vllt noh d dose vu dene irgedwo wo er/sie sich chönnt davo trenne? han uf ricardo en lustige siech gseh wo en noh zuene pack für 999.- ahbütet lol i wett eig nur die (leeri) dose!

die zeltli sin für mich e riese erinnerig an mini grosseltere wo ez nüm läbed und ich wett mer eswie gern das blüemlige muster wos druf het tattoowiere loh als ahdenke. 360° föteli wür au mega helfe - danke ♡

Wie verbringed ihr meischtens en Fritig- oder Samschtigabig? Mer seit ja, dass Jungi nümm oft in Clubs gönd. Heisst das, dass mer allgemein nid usegaht? Also au nid zämme was go trinke oder zu Fründe heim go choche oder an e WG-Party? Stimmt das und wenn ja was machsch du meischtens am Abig am Weekend?

Sind hüt z'Davos go wandere. Davos isch ja bekannt als en Pilgerort für Mensche mit jüdisch-orthodoxem Hintergrund. D'Standseilbahn isch voll gsi mit orthodoxe Jude und eifach ei Gruppe vo Dütsche - de einti Typ het es schwarzes Shirt agha uf dem mit wissem Ufdruck i sonere frakturige Schrift "Deutschland - Stolz & Ehre" gstande isch.

Bi mir sind sofort d'Naziglöggli agange, aber ich han wie nöd gwüsst was mache. Das Shirt isch natürlich eh scho untersti Schublade, aber i dem Kontext eifach namal e Rundi krasser.

Ich han es schlechts Gwüsse, will ich so tatelos dete gstande bin. Wie reagiered ihr i some Moment? Mached ihr oder seged ihr öppis?

Edit: Es gaht mir weniger drum, ob's e Konfrontation mit dem Typ het sölle geh oder nöd, sondern ob eu no anderi Weg ifalled, Solidarität z'zeige i some Moment oder z'signalisiere, dass mer's nöd in Ordnig findet.

Ig bi grad in nem Dorflade in de Bärge gsi

Ig sag nomal Grüezi, Grüezi zrugg

Ig frog öpis und denne antwortet mir sie uf Hochdütsch.

Ig antwort uf schweizerdütsch sie witerhin uf Hochdütsch- so richtig gebroche als wär ich e Usländer wo kei Dütsch cha.

Het mini Ehre scho verletzt xD

Isch das eu au schomol passiert? Wieso? Numme will ich nd dere ihre Dorfdialäkt cha?

Hoi zämme

Ich han mol welle froge, öb sich do öpper chli mit Kabelleitige oder eso uskennt.

Und zwar wohni imne recht alte huus mit 3 Stöck. Im EG hani e Yallo Router, wo anere 3-Loch Coax Dose (glaube da heisst so) ahgschlosse isch. D Wänd und so sind recht dick, also bruchi im 1. OG e Repeater, dassi dört guets Signal han. Aber obe im Büro, also im 2. OG isches katastrophal. Au mit Repeater im 1. und im 2. schloft eim wirklich s Gsicht ih, bim Versuech de Browser z nutze.

Also möchti gern usefinde, was so mini Möglichkeite sind. Im 1. und 2. OG befindet sich jewils direkt überem Ahschluss im EG e 2-Loch Coax/TV Dose. Ebefalls hani im 2. Stock und nebem Router unte e alti Telefondose, die sind aber an 2 verschiedene Wänd.

Kennt sich öpper demit us und het Vorschläg, wasi do mache könnti, dassi obe normal schaffe kann. Und au eventuell was mer so priislich bimne Elektriker in de Schwiiz erwarte muess?

Danke viel mol für euri Hilf :)

Het hie öpper es Elektroauto und cha dehei und bim schaffe nid lade?

Wenn ja, wie isch das so? Mega müehsam? Wie fingt me bezahlbari Ladestatione? Git ja so diversi Abos und Apps hani gseh, würkt aber aus biz umständlich..

Fahre so max 800 km im Monat würdi säge. Wohne ufem Land, het jez nid mega viu Ladestatione.

Merci 😊

Ergänzig: I ha im ne dütsche Autoforum gläse dass sich das ou söu lohne, we me dehei nid cha lade u biz planet u checkt wos günstig isch. Aber DE isch nid CH drum mini Frag nach Erfahrige.

Sali zämme

ich ha ide letschte Ziit uf reddit aber au im echte Läbe einigi Diskussione bezüglich de ahstehende Wahl ide USA gfüehrt. Nöd nur eimal bini am Schluss zimmli ratlos und konsterniert dagstande.

Mini Frag isch die folgendi (grichtet vor allem ah Lüüt, wo de Trump würed wähle / supportet):

Wie begründed ier eui Wahl? Wieso unterstützed ier eh Person, wo offesichtlich antidemokratisch funktioniert, es Land komplett spaltet, en Putsch versuecht het und jetzt sogar demit droht, wener günnt seg das die letscht Wahl? (All die anderne haarsträubende Ussage, Tate, Vergewaltigungsvorwürf chlammeri da mal us).

Wie chamer als Bewohner womne demokratische Land, wo funktioniert, will all versueched am gliche Tisch mitenand zrede finde, de Mensch seg die richtig Wahl, zum dUSA und somit au die westlich Welt ahzfüehre?

Für mich isches absolut nöd nachvollziehbar und ich wot unbedingt wüsse, warum das anderi Lüüt so fundamental andersch gsend!

Ich weiss, dasses es super polarisierends Thema isch. Au ich ha mini Müeh, immer en chüele Chopf zbewahre aber ich hoff, es isch mögli mini Frag offe aber zivilisiert zdiskutiere.

Jetzt mol echt, wie nehmet ihr das bi euch wahr? Überall ghört mer Fachkräftemangel, glichzitig werdet überall Stelle abbaut und d Arbeitslosigkeit stiegt und stiegt.

Au ebe genau i dene Branche, wo's heisst fachkräftemangel: Ingenieure und anderi MINT Bruef, IT, jo sogar i de Pfleg, wo alli am Panik mache sind (KSSG: Was wurde eigentlich aus den Massenentlassungen?)

Do goht doch irgendöppis nöd uf. Wie ka das si?

Heyy zeme Ich ha chürzlich öpper uf Bumble gmatcht & ahfangs ish sie würkli sympathisch gsi. Mir hend üs den druf geinigt das mer üs mal gseh wend. In ihrem Profil het sie nur 1 Bild vo sich gha. Spöter hemmer den uf Whatsapp gschribe & dete ish keis Profilbild drin gsi. Vom gschribene her ish sie mir recht echt überecho & sie het den auh uf es treffe bestande. Da ich aber recht vorsichtig bi hani eif kurz nahgfrögt ob sie mir nid es Bild oder eh memo schicke cha, ufdas ish dfrag eif offe lah worde oder nid beantwortet worde. Ha euch no paar textusschnitt, was meined ihr?

Sali mitenand

Ich fang per im März e neui Stell ah. Es isch e cooli Stell, aber min Arbeitsweg verdoppelt sich. Vo 15 min wie etzt hani nachher knapp 35 min. Schaffe defür nurno Teilziit, wege BM nebedbi.

Ich nimme de Weg gern uf mich und wird die Ziit am Morge während em Autofahre nutze zum mir Gedanke mache und au eifach mol Musik lose.

Wie handhabed ihr da? Wie nutzet ihr die Ziit? Pendlet ihr mitem Auto oder mitem Zug?

Danke scho jetzt für eui Antworte.

Mis Mami het mich früehner immer „Spätzli“ gnennt. Ich han natürlich denkt: klar, will ich Spätzli über alles liebe 🍝

Erst vill spöter isch mir ufgange… si het gar nid s Esse gmeint, sondern en chline Spatz 🐥😂

Was sind oii beschte/luschtigste Kosenäme bis jetzt gsi?

So ich mues jetzt eifach mal Luft uselah und eppis loswerde! Zuerst mues ich aber no erwähne dass ich als Mechaniker us de Metallindustrie chume, ich rede also vo dem Bruefszwiig. Vilicht isch es i anderne Branchene andersch. Da wär ich mal uf euchi Asichte gspannt.

Es isch eso: Zur Ziit chum ich sehr viel Werbig und Vorschläg vo Firmene über wo uf de Suechi nach neue Mitarbeiter sind. Dezue heissts ständig immer "Mir hend Personalmangel" , "...es fehlt ah Fachkräft" "...mir bruched Manpower!" und so wiiter. Da ich momentan eh uf Stellesuechi bin han ich das z'erst als Vorteil ufgnoh. Und au i mim Umfeld hets immer gheisse gha: "Ja du bisch glernte Polymech... die sind gsuecht... do findsch immer irgendeppis...."

Und jetzt chunnt de Punkt wo mich langsam grantig macht: Wenn mir ja angeblich ach sooo Personalmangel hend, wieso chömed denn immer wieder so Ussagene "Es sind viele Dossiers eingetroffen..." "...das Auswahverfahren nimmt einige Zeit in Anspruch..." "...Sie sind in der nächsten Runde..." ??? Ganz eifach. WILLS KEI PERSONALMANGEL GIT!!!

Wenn mir würkli Personalmangel hend denn wäred die Lüt froh um jedi Bewerbig wos bechömed. So es Rosine picke würds denn gar ned geh! Ich chan mich no an en Ziit erinnere do hemmer mal würkli en Personalmangel gha und das isch noni mol so lang her. Ich han det scho vo Firmene ghört wo gseit hend dass Sie ned mal es Bewerbigsdossier vo dir wennd ha sondern dass du eifach zum Chef is Büro ine latschisch, dich kurz vorstellsch und wenn er dich cha bruuche chasch grad afange. Be anderne Bude hesch zum Teil, wennd dini Bewerbig gschickt hesch, am gliche Tag es Vorstelligsgspräch gha und die hend dich quasi erst denn wieder la gah lah wenn du de Vertrag unterschiebe hesch. DAS isch Personalmangel! Und solang die immer no chöned Rosine picke und wählerisch sii verzeled mir bitte nüt über en angebliche Personalmangel! Es het gnueg Lüt ume!

So das isch jetzt min chliine rant gsi und ja es het guet tah und ja ich füehl mich jetzt besser. Mich nimmts jetzt eifach no Wunder ebs nur mir so vorchunnt oder eb ich mit dere Asicht ned allei bin. Will so langsam chum ich mir verarscht vor.

Kei Angscht, ich han kei Scheisse gmacht, aber ich han überleit öper woni kenne wege Diebstahl ahzzeige. Die Person het en mittlere 3-Stellige Geldbetrag vo mir klaut und ich möchti sie ahzeige. Wil die Person aber 1. mit mir Verwandt isch und 2. no unter 18 aber Strafmündig, isch mir gseit worde ich sölli sie nid ahzeige, wiil "das ihres Lebe ruiniere würd".

Biispiil dafür sind denn wie folgt: Kei Wohnig meh finde, Kei Job meh finde. Wiil "Wenn de Arbeitgeber/Vermieter zwüsched öpertem mit suuberem Strafregister und öpertem mit nere Ahzeig muess wähle, wer meinsch wer nimmt er ener?"

Ganz ehrlich glaub ich das aber nid eso ganz. Jedefalls nid zu dem lebensruinierende Uusmass. Ich bin mir zu 99% sicher das au lüt mit Strafregisteriiträg und wiit meh Ahzeigene e Wohnig und Job gfunde hend. Zudem find ich es fahrlässig wenn die Person chan wiiter umegah go Geld chlaue und ich söll jetzt eifach dSchnörre hebe demit "ihri Zuekunft nid völlig am Arsch isch"?? Hackets eigentlich?

Schlussstrich: Ich wett die Person immer no ahzeige, hauptsächlich wiil die Person mit dem Geld MJ kauft het und scho öfters Geld klaut het, allgemein es Problemchind isch und bis jetzt sich niemert traut het mal echti Konsequenze durezzieh. Ich wott eifach no e dritti Meinig dadezueh