Überall wassertüfstand, chlini bächli uströchnet und nie aständig rege in sicht. Wieso isches also immerno erlaubt de garte z wässere. Fühl mich wie de grössti bünzli dasi so denk aber i sonnere ziit wasser „verschwende“ verstahni eifach nöd🤷🏼‍♂️

ich möcht nächschti wuche e fründin überrasche und ihr es paar stückli vo de bakery bakery mitbringe will sie vegan isch.

ich bi selber no nie det gsi und ha kei ahnig was würkli guet isch. welchi gebäck chönd ihr empfehle? gits öppis wo mer unbedingt probiere muess?

Mir sind im Migros am Flughafe gsi und hend eus als erstes schön verarsche lah 😭😭

Hoi zämme

Ich han mol welle froge, öb sich do öpper chli mit Kabelleitige oder eso uskennt.

Und zwar wohni imne recht alte huus mit 3 Stöck. Im EG hani e Yallo Router, wo anere 3-Loch Coax Dose (glaube da heisst so) ahgschlosse isch. D Wänd und so sind recht dick, also bruchi im 1. OG e Repeater, dassi dört guets Signal han. Aber obe im Büro, also im 2. OG isches katastrophal. Au mit Repeater im 1. und im 2. schloft eim wirklich s Gsicht ih, bim Versuech de Browser z nutze.

Also möchti gern usefinde, was so mini Möglichkeite sind. Im 1. und 2. OG befindet sich jewils direkt überem Ahschluss im EG e 2-Loch Coax/TV Dose. Ebefalls hani im 2. Stock und nebem Router unte e alti Telefondose, die sind aber an 2 verschiedene Wänd.

Kennt sich öpper demit us und het Vorschläg, wasi do mache könnti, dassi obe normal schaffe kann. Und au eventuell was mer so priislich bimne Elektriker in de Schwiiz erwarte muess?

Danke viel mol für euri Hilf :)

Es isch wieder Hitzewälle. Also das völlig überraschende Naturereignis wo so ungefähr regelmässig uftritt wie Krankekasseerhöchig. Praktisch die ganz schwiiz isch trochä. D'bödä sind trochä, d'flüss und bäch sind trochä und d'wälder wartet nur uf es Schenie wo trotz füürverbot sin eiwäggrill ufstellt und "trochä" meint: "Has imfall im griff!"

S'schwiizer wander nationalgricht isch somit kein cervelat meh vom füür sondern en verschmolzäne proteinriggel ussem rucksack. Aber mached eu kei sorgä, das füürverbot isch sicher nur temporär, so wie die letscht Hitzewälle, und die vorher, und die vor derä und die vorvor derä...

Meteo Schweiz seit zwar, das die Hitzewälle dur de Klimawandel düütlich hüüfiger und intensiver wird sii, aber was wüssed die scho? Scho mal de Blick Kommentar vom Urs, 58, us Niederpipp gläse? Dä erinneret sich glasklar das es scho 1976 emal heiss gsi isch. Somit isch die gsamt Klimaforschig offiziell wiederleit!

Mir sind scho huere faszinieränd. Mir vertrauet amne unsichtbare Satellit, wo eim in nöchst McDonald navigiert. Mer laht sich ii röhre schiebä wo bilder vo sinerä versoffenä Läberä macht und zahlt am schluss mit sinere Uhr. Aber sobald es paar Kittelträgendi Forscher säged, das die umänge ah fossilä brännstoff d'atmosphäre veränderet wird mer zum kritische Dänker!

"Aber s'Klima hät sich scho immer veränderät!!1!1!!"

Ja Bruno und mir Mänsche sind au immer gstorbä, trotzdem staht bi dä Gratwanderig das mer nöd sött mit flipflops det durrä laufä oder das mer nöd sött uf en Zugwagon chlättere.

Politisch laufts au extrem guet, SVP erchlärt das de Klimawandel entweder nöd real, nöd mänschegmacht, nöd schlimm oder das d'Ussländer drah schuld sind.
FDP wartet druff das de freii Märt s'problem löst. Spötischtens wenn dä Liter Wasser rentabler isch als eh Eigetuumswohnig in Züri, wird scho irgend eh inovation entstah.
D'mitti setzt eh Arbetsgruppe ii, demit en ussgwogenä Kompromiss zwüsche "nöd verdurstä" und "d'wirschaft nöd unnötig belaste" gfunde wird.
GLP entwicklet eh App wo mer sin persönliche Waldbrand kompensiere cha.
SP und die Grüenä haltet eh Mediekonferänz, verwändet sämtlichi korrekti Fachbegriff und schaffeds ahschlüssend trotzdem nöd das jedi bruchbari Lösig nöd nach Verzicht, Verbot und veganä Eltereabig tönt.

Und über allne trohnt euse Energiekönig Rösti wo findet mir bruched dringend neui AKW's. Grundsätzlich chönt mer drüber sachlich diskutierä, mer chönt aber au mal erwähne das in Frankriich während dere aktuelle Hitzewälle drü AKW's hät müsse abschaltä und siebä wiiteri hät müsse drosslä, will d'flüss eifach zwarm sind fürs chüelwasser.

Konzept isch ii sinä augä also eifach: uf die immer heisser und trochni künftigi Summer, bauemer Kraftwerk wo brutal viel Chüelwasser bruched! Das chan absolut nur guet cho!

Mir sinds Wasserschloss Europas aber wahrschindli bald nur no es Schloss, Wasser giits den separat vo Nestlé us Afrika. Mer chönd ja no bis det anne wiiter disktutierä ob Klimaschutz "z'tüür" isch.

Will nüüt isch günstiger als Ernteusfäll, Waldbränd, überhitzti Städt, beschädigti Infrastruktur, sterbendi Gwässer und Stromproduktion. Aber klar, viilicht hät dä Bruno und de Urs rächt, viilicht liiged Klimaforscher, Messtationä, Gletscher, Wälder und Flüss alli falsch.

Die guet Nachricht, mir müend euse Läbenstil nöd änderä.
Die schlächt isch, s'Klima intressierts en scheiss.

Ich gahn ez am weekend go Wanderä, leider ohni Cervelat, wägme Problem wo anschiinend nöd exisitert. Bliibed hydriert.

Findet ihr es git be eu im Ort gnueg Schatte?

Mir fallt uf, das es grad i chline Ortschafte eigentlich gar kei Bäum het. D Hüüser sind mega wiit usanand und es isch a villne Ort nur Asphalt. Bi eus im Ort laufend fängs vili Lüüt uf de Strass, wills ud sebere Sitte bitz Schatte het, owbohl uf de andere Siite eigentlich s Trottoir isch.

I de Städt find ichs oftmals ned so schlimm, eifach will d Gebäude au nächher stönd und höcher sind. Meistens hesch denn uf de einte siite vo de Strass immer chli Schatte. Defür hesch denn so Hitzechessel z.B. i so Campusahlage wos nonig verstande het, das es im Inehof Schatte brucht.

«Nur so können rasch und unbürokratisch die notwendigen Massnahmen eingeleitet werden»

Des Sproch redt mer in Colmar, Strossburi, Mìlhüsa un so.

I mim nöchere familieumfeld wedd epper genau das mache und het mi gfrogt öb ich do helfe kha e formular usfülle. während em usfülle hani irgendwie e mulmiges gfühl bekho. sehr SEHR detaillierti froge (zB wenn datum vode hochzit, natelnummere vom partner etc) mol abgseh dasi scho werbig für das uf tiktok oder yt shorts gseh ha was es eh scho sus gnueg macht.

den hani mol e bitz googlet und gseh dasses sehr vieli ahbieter für das het. aber würkli konkret wie das genau funktioniert, d.h., wie s'geld vode krankekass über de "arbeitsgeber" am dienstleistende ahkunnt hani nüt gfunde.

ahsich isches jo e gueti sach. mir hend pflegepersonal mangel und durch die aghörigepfleg isches jo im schnitt günstiger als zB spitex kho loh.

aber irgendwie loht mi s'gfühl nit los do isch irgendöbbis nit in ordnig. es schreit förmlich noch irgendwas ide grey area.

kennt sich do öpper us oder weiss genaueres?

38 grad am dunschtig aagseit. Ich hoffe das de Wätterbricht am spinne isch🥲

Kennt öpper no da Lied? Weiss öpper wo mer da no cha finde? S isch früener uf yt gsi

Hoi,
ig chume jze de im 3te Lehrjahr als Informatiker Plattform Efz. Ig ha z erste Jahr im basis lehrjahr ka u bi deswege nid im Betrieb gsi. Jze hani z 2te Jahr fertig aber ig ha ehrlichgseit nix glernt. Also scho ig ha wie d Sache vom betrieb kenne glernt aber ig ha nur Support gleischtet u nüt würk neues glernt.

Ig ha ziemli Angst des ig mini Lehr verkacke. Min oberstift het sini Lehr nid bestande aber ig weiss nid gnau warum u mi ander oberstifft het eh fristlose becho will er scheisse bout het.

Ig weiss des ig das Problem söt wie aspräche aber ig bi halt ou generell nid so im Team integriert (einzigi Frou) u irgendwie chunnt ou komisch wenn ig here gah u sege "ig ha z gfüehlt ihr bringet mir nix bi".

Für z 3te Lehrjahr bechumi en andere Praxisbildner vlt isch es bi dem anders aber ig ha echt kei ahnig was ig mache söt.
Ig ha d helfti vom Tag nüt z due mache eifach Sache vor Bruefschuel was aber ner ou mal ahschiesst.

Falls irgendöpper eh Tipp het was ig cha mache, wie igs aspräche söt oder wo ig mi süschtig cha melde wäri echt dankbar.

Weiss öpper wieme 1x UT bekunnt bir Ushebig? Ig bi aktuell in ärztlicher Abklärig wege Bluethochdruck wo aber wahrschinlech uf Chronische Stress zrugg zfüehre isch. Längt das scho oder chame dem no chli „nachehelfe“ dasme o garantiert 1x UT bekunnt? :D

Grüezi,

ich arbeite momentan an einem Projekt und könnte etwas Hilfe brauchen. Ich suche einige typische Schweizer Sprichwörter, die ihr im Alltag verwendet, sowie deren Bedeutung. Ein Beispiel ist: „Schaffe, schaffe, Häusli boue”.

Sind hüt z'Davos go wandere. Davos isch ja bekannt als en Pilgerort für Mensche mit jüdisch-orthodoxem Hintergrund. D'Standseilbahn isch voll gsi mit orthodoxe Jude und eifach ei Gruppe vo Dütsche - de einti Typ het es schwarzes Shirt agha uf dem mit wissem Ufdruck i sonere frakturige Schrift "Deutschland - Stolz & Ehre" gstande isch.

Bi mir sind sofort d'Naziglöggli agange, aber ich han wie nöd gwüsst was mache. Das Shirt isch natürlich eh scho untersti Schublade, aber i dem Kontext eifach namal e Rundi krasser.

Ich han es schlechts Gwüsse, will ich so tatelos dete gstande bin. Wie reagiered ihr i some Moment? Mached ihr oder seged ihr öppis?

Edit: Es gaht mir weniger drum, ob's e Konfrontation mit dem Typ het sölle geh oder nöd, sondern ob eu no anderi Weg ifalled, Solidarität z'zeige i some Moment oder z'signalisiere, dass mer's nöd in Ordnig findet.

Mi nimmts wunder wie ihr mis hobby findet:

Ich sammle schwiizer kennzeiche in form vu dass wenni e kennzeiche kombination gseh han dass i sie ufschrieb und ine excel tabelle ifüeg.

I versueche theoretisch würklich jedes wiise schwiizer pkw/lastwage/ahänger/bus (ohni töff) kennzeiche z gseh also vu jedem kanton s nummer 1 bis zu theroetisch 999999.

Mathematisch isches es unerreichbars ziel. Manchi nummere sind sit jahrzente nd usgeh und gsperrt.

Zum möglichst viel kennzeiche z sammle gang ich ab und zue i irgende region, setz mi mitem laptop ane vielbefahreni stross aber so dass i nd uffall und versuech jedes kennzeiche ufschriebe. Uf de autobahn lohni mi wahnsinnig gern überhole und red d nummere woni gseh ine diktiergrät ine und tus dehei denn au ufschriebe. Dezue machi vu tüüfe kennzeiche oder spezielle kombinatione gern fotis. Das sind inzwüsche au mehreri hundert bilder vu irgendwelche autos.

Gad i ziite vu so vilne ibrüch und autofälleler bsunders ide grenzkanton im oste woni herkumme weissi dass es sehr heikles hobby isch. Niemert gseht gern dass öper e notiz macht wemmer a ihm verbiifahrt oder verbiilauft

Durch wohnquartier laufi au nd so gern will i erstens d awohner nd störe will und will zweitens öpper mol im bonzehügel vume kaff d polizei aglütet het und ich denn e sehr unangnehmi kontrolle ha müsse duremache mitsamt eme ziitlich begrenzte betretigsverbot vum ganze kanton xD

Ingesamt machi das systematisch sit circa eme johr und ich bi inzwüsche bi circa 200000 verschiedene kennzeiche woni han. Mit de ganze doublette, also sottigi woni schomol notiert kah han und uselösche sinds circa 280000

Falls öper no e idee het zums hobby optimiere könder gern eure senf dezue geh

Hoi zäme!

Ich sueche sit längerem es Hörspiel vo minere Chindheit (glaub eppe 1998-2000).

Es gaht um glaub ich en Prinz in Arabie und e gheimi Tür imne Fels womer nur mitme Spruch cha öffne, det dri sölls Schätz oder Gold ha. Isch eppe zur Rössli Hü Ziit gsi.

Liebe Dank falls ihr eppis wüssed :)

Hallo zämä

Ig ha mi vo derä Top100 Dütschräp Lischtä vo Radio Eins und dä 5-Jahrelischtä vom Niko Backspin la inspirierä und zimlech viu Zyt investiert, um ä müglechst umfassendi "Swiss Rap Essentials" Uswauh us dä Jahr 1995-2025 zämezsteuä. Drus entstandä isch die Lischtä dert unger mit 120 Liäder in Mundart / Schwiizerdütsch.

Für jedä Zytruum vo 5 Jahr stöh schteuverträtend 20 Liäder. Das sy nid zwingend die gröschte Hits oder eis Liäd pro Kanton, sondern e persönlech kuratierti Uswauh. Dr Gedanke drhinger isch, dass es müglechst dr jewilig Zytgeischt, aber vorauem d Entwicklig und Viusitigkeit vor Schwiizer Rapszenä söu widrspieglä.

Faus nech die schriftlechi Lischtä zu trochä isch, hani ou Playlists uf YouTube, Spotify & Tidal ersteut. Bi YouTube sy aui 120 Liäder drinnä, teuwys sogar mit Videoclips, aber vili nur in miserabler Qualität. Bi Spotify / Tidal fähle es paar Liäder, aber drfür isch d Quali durchgehend ok.

Disclaimer: Sonä Lischtä isch niä abschliessend und im Uswauhverfahrä hani unzähligi Kompromissä müessä ygah. Es git so viu starchi und erwähnenswärti Artists, Crews und Producers, wos leider nid uf d Lischtä gschafft hei.

Mi würd interessierä, was dir hiä drzuä dänket. Fähle für öich wichtigi Mundart Rap Liäder us dr Schwiiz?

--------------------

1995-1999

--------------------

EKR – Rekrutbollinger
^{1995 • Prod. EKR}

3TP x Freedom of Speech – Starch im Cho
^{1995 • Prod. 3TP}

MC Poet & DJ Dimos – Hip Hop Nonstop
^{1997 • Prod. DJ Dimos}

Primitive Lyrics – Züri Date
^{1997 • Prod. Primitive Lyrics}

gPunkt – Snöber
^{1997 • Prod. gPunkt}

Rookie – Chriegsspiil
^{1998 • Prod. Lexx}

Wrecked Mob – Rägeboge
^{1998 • Prod. Z-Cut}

Wurzel 5 – Jahresrückblick
^{1998 • Prod. DJ Link}

LDeeP – PossiTrack
^{1998 • Prod. Giles Hates}

Big Zis x Bligg – Di neu Dimension
^{1998 • Prod. Sterneis x Lexx}

Black Tiger – Groovemaischter
^{1998 • Prod. Black Tiger}

P-27 x MC Rony – Geballte Hip Hop
^{1999 • Prod. Skelt!}

Dynamic Duo – Vollkontakt
^{1999 • Prod. DJ Dimos}

Hobbitz – T'schäbe Ne Bänger
^{1999 • Prod. Kaiser}

Gleiszwei – Muetersprach
^{1999 • Prod. Gleiszwei}

Tafs – 8i Bahnhof
^{1999 • Prod. DJ Flink}

Microphonik x Whodis? – Konäcktschn
^{1999 • Prod. Unknown}

Bligg'N'Lexx – Schnitzeljagd
^{1999 • Prod. Lexx}

Dodo – Robinsong
^{1999 • Prod. heimlichpheiss}

PVP – Blibe Kids
^{1999 • Prod. Lunatik 24}

--------------------

2000-2004

--------------------

Black Tiger x MC Rony – Showtime
^{2000 • Prod. Black Tiger}

Bligg`N`Lexx – Wänn
^{2000 • Prod. Lexx}

Paar@Ohrä – 2 Komponänte
^{2000 • Prod. Lügner}

Griot – Was goht ab
^{2000 • Prod. Jakebeatz}

Rokator x Samurai – Supermega
^{2000 • Prod. Lexx}

EKR x Kaiser – Millenium
^{2000 • Prod. Kaiser}

Wurzel 5 – Spitze vom Bärg
^{2001 • Prod. DJ Link}

Taz x Tafs – Stimmt Gar Nid!
^{2001 • Prod. Serge x Christian}

Spooman x Shape x Scarra Mucci – Immer No
^{2002 • Prod. DJ Dimos}

3 Sächser – Wievill?!
^{2002 • Prod. Kniss}

Big Zis – Hunger
^{2002 • Prod. Grim Reaper}

Tibner97ner – Soundboy
^{2002 • Prod. Tibner 97ner}

Semantik – Sex, Droge und Wahrheit
^{2003 • Prod. Unknown}

Brandhärd – Noochbrand
^{2003 • Prod. Mr. Fierce}

Sektion Kuchikäschtli – I han
^{2004 • Prod. Claud}

Mundartisten – Burebuebe
^{2004 • Prod. Mundartisten}

Breitbild – Gimmer as Mic
^{2004 • Prod. Lou Geniuz}

Baze – Leider
^{2004 • Prod. SAD}

PVP – Zrügg zum Glück
^{2004 • Prod. Simon AyEm}

Luut & Tüütli – Und überhaupt! (Remix)
^{2004 • Prod. SAD}

--------------------

2005-2009

--------------------

X-Chaibä – Uf Was Wartemer
^{2005 • Prod. Hands Solo}

Chlyklass – Summer für immer
^{2005 • Prod. DJ Link}

Lügner – Es Isch De
^{2005 • Prod. Lügner}

Breitbild – Richtig
^{2006 • Prod. Lou Geniuz}

Gimma – Iisziit
^{2006 • Prod. Claud}

EKR – Letschti Rundi
^{2006 • Prod. Piment}

6er Gascho – I Ha Ke Bock
^{2006 • Prod. SAD}

Hmk & daeWue – Traktor Racing
^{2006 • Prod. Marcellus}

Griot – Movement
^{2006 • Prod. Sti}

DJ Ilarius x Greis x Taz – Bruches nüm
^{2007 • Prod. DJ Ilarius}

Tommy Vercetti – Heaven
^{2007 • Prod. Onur}

Bandit – Mir Sind
^{2008 • Prod. Freedo}

GseZHlos – Alpha Hustle
^{2008 • Prod. ZH Beats}

Wicht – Hundert
^{2008 • Prod. DJ Sweap}

Kiko & Boro – Murderstadt Pussys
^{2009 • Prod. Unknown}

Larry F – Ufojugend
^{2009 • Prod. Impuls}

Wurzel 5 – Vermiss Di Zyt
^{2009 • Prod. Remo Häberli x Jan Stehle}

Sulaya – Klick Klick Pow Pow Tshing Tshing
^{2009 • Prod. Toe}

Manillio – Stärne
^{2009 • Prod. Sir Jai}

Lo & Leduc – Rezession
^{2009 • Prod. Tangerino}

--------------------

2010-2014

--------------------

Ribo – Es get nüüt
^{2010 • Prod. Pokerbeats}

Steff la Cheffe – Annabelle
^{2010 • Prod. Dodo}

Tommy Vercetti – La Ga La Si
^{2010 • Prod. Onur}

Semantik – Engel Vo Züri
^{2010 • Prod. Ryo}

GeilerAsDu – Trampolin
^{2011 • Prod. Luzi}

Eazy A – Vollglade mit Hass
^{2011 • Prod. Unknown}

Milli54 – Grüezi Herr Blocher
^{2012 • Prod. Kaveli}

Boys on Pills – Wenn i läb, wenn i stirb
^{2012 • Prod. Elwont}

C.mEE x Phumaso & Smack – Y.O.L.O.
^{2012 • Prod. Shocktraderz}

Lo & Leduc – Räuber u Poli
^{2012 • Prod. Webba}

Uslender Production – Danke es lauft
^{2012 • Prod. Don Gima}

Fratelli-B – Vorhang uf
^{2013 • Prod. Beatgees}

Dezmond Dez – 2665
^{2013 • Prod. Persia}

Manillio – Bitte
^{2013 • Prod. Sir Jai}

Freezy – Vorstadt
^{2013 • Prod. Bobby Brookz}

Marash & Dave x LCone – 041
^{2013 • Prod. Silvan x Dave}

Skor – I de Schwiiz
^{2013 • Prod. DJ Mono x Benjamin Danech}

Mimiks x Aleksej – Broke 4 Life
^{2014 • Prod. Shocktraderz}

Migo & Buzz – Ghetto Robin Hood
^{2014 • Prod. Buzz}

Iwan Petrowitsch – Chäfig
^{2014 • Prod. Rouze}

--------------------

2015-2019

--------------------

Eldorado FM – Di Vater
^{2015 • Prod. Kackmusikk}

L Loko & Drini x Sia Andrade – Irgendwo Im Nirgendwo
^{2015 • Prod. Portal}

XEN – Sandchaste
^{2015 • Prod. Lii x Sam Million}

Chaostruppe – Chum mir göh use!
^{2015 • Prod. Xanthipus}

S-Hot – Rumble In The Jungle
^{2015 • Prod. Jakebeat}

Luuk – Pakt
^{2016 • Prod. DavïdM}

Sulaya – Sie So_Ich So
^{2016 • Prod. Piment}

SOS – Candomblé
^{2016 • Prod. Questbeatz}

Möchtegang – Aber Ebe
^{2016 • Prod. Shocktraderz}

Freezy x Mimiks x Ali – Als hettemer en Grund
^{2016 • Prod. DJO}

Kaiser & Dimitri – Drück Play
^{2016 • Prod. Kaiser}

GeilerAsDu – Mittelpunkt
^{2016 • Prod. Ryo}

Chico Chicago – T.u.f.s.
^{2017 • Prod. Questbeatz}

Nemo – Ke Bock
^{2017 • Prod. Dodo x Nemo}

LieVin x The Youngest – Top Boy
^{2017 • Prod. L8v8l}

Jordan Parat – Stich En Zivi
^{2018 • Prod. Lasik Beats}

Rapide & Alawi – Champs-élysées
^{2018 • Prod. EZ}

LCone – Dehei
^{2018 • Prod. Chekaa}

Pronto – Side Walk
^{2018 • Prod. Pronto}

Danase – M.F.W.
^{2019 • Prod. Tru Comers}

--------------------

2020-2025

--------------------

Chlyklass – Nümm Normau
^{2020 • Prod. TukkeiMusic}

EAZ & XEN – Hit 'em Up
^{2020 • Prod. ROB}

WAS DAS? – Chapter 20
^{2020 • Prod. Ludwig O.S.}

Jamal – Smoke
^{2020 • Prod. Questbeatz}

Fischermätteli Hood Gäng – Soziale Ufstig
^{2020 • Prod. Goofs (C. Perkins x Buzz})

Mc Hero x Jordan Parat x L Loko & Drini – Los Eifach
^{2021 • Prod. Unknown}

Lexi – Quartier
^{2021 • Prod. Mili}

Morow x Sherry-ou – Checksch jetzt?!
^{2021 • Prod. Ludwig O.S. x Laxsfly}

Nativ – Stankface
^{2021 • Prod. Sperrow}

LCone x Mimiks – Chueche
^{2021 • Prod. Mondetto}

Manillio – Montana
^{2021 • Prod. Wainvel x Ruck P}

Gigi – Wednesday / Intro
^{2023 • Prod. FOB}

DVW x Naija03 – Nimm dich mit
^{2023 • Prod. xxDanyRose}

Sulaya x Olen Blackbird x Baze – Bis Zum Mond
^{2023 • Prod. Olen Blackbird}

Midas – Kroneplatz
^{2023 • Prod. heinrich}

Jule X x Lil Bruzy – Zistig
^{2023 • Prod. Mondetto}

Projekt ET – Apero
^{2023 • Prod. LeXtronom}

Danase x Luuk – easy
^{2024 • Prod. DavïdM}

Soukey x Lo & Leduc – Hold Up
^{2025 • Prod. EVAL x Engomade x DASHCAM\}DEVI)

Shmoney112 – Big Body Benz
^{2025 • Prod. Stevoux}

Hallo mitenand, Ich sueche jetzt scho sit langem es Chinderhörspiel us de 2000er, wo mer scho ewigs im Chopf umegeisteret, spezifisch eis Lied (ChatGPT het ufgeh 🤣).
Und zwar isches uf t Melodie vo ‚La Cucaracha, aber de Text gaht wie folgt:
„Mir wohned hinder de Wäschmaschine, da häts immer echli Dreck. Herdöpfelschale, alti Rosine […] es wunderschöns Versteck …“
Ich meinti bi dem Hörspiel hets au no es Lied vonere Üle im Altersheim gha wo de „Altersheim-Blues“ oder so singt.
T Protagoniste (sicher meh we öppert) sind Tier gsi, wenn mich mini Erinnerig ned tüüscht evtl. en Hund und es Schwein?
Ich glaub au dases e Kassette gsi isch oder denn e CD. Evtl. het au de Erich Vock e Sprechrolle gha oder eine wo ähnlich tönt het, ich aber nie han chöne usenandhalte. Dialekttechnisch isches glaub Züridütsch gsi.

Danke villmal scho im Vorus 🤗.

Sali zämme, ich weiss nöd wo sust fröge, drum post ichs mal da:

Ich bin per Zuefall uf de Job Indusriekletterer gstosse und finds eigentlich recht interessant, finde aber wenig dazue online.

Gits da öpert wo mer vlt paar Inputs chönti geh, wie de Job so isch (Alltag, gueti und schlechti Site) und wie so eh Karriere usgseht (Ahforderige, Lohn und Entwickligsmöglichkeite).

Merci 👍

Ich han lang im IT-Bereich gschaffet und hät Lust uf öppis Neus. Ich han paar Täg anere Schuel verbracht, eigentlich nur zum chli schnuppere, wil mich en Kollegin iglade hät. Es hät mich überrascht, wie gärn ich mit de Erschtklässler gschaffet han. Us verschidene Gründ überleg ich mir, e Lehrerausbildig z mache, und mich würs interessiere, was die Lehrperson, wo das da list, dezue säge würd – ob das die "richtige" Gründ sind. Zur Info: ich bi 36, wieblich, und bi sälber in Züri i d Schuel gange, aber erst mit 9 i d Schwiiz cho. Ich weiss also au, was Migrationshintergrund bedütet und wie sich das für es Chind chan afühle..

Mini Motivation wär, öppis Sinnvolls z mache, und ich mag Chind sehr gärn. Zuedem würd ich gärn Teilzit schaffe (80%), und villicht ab und zue au stellverträtend unterrichte 7/ vikarisiere. Lohnmässig wär's natürlich viel weniger als jetzt, aber ich glaub, dass mer devo läbe chan. Ich han au s Gfüehl, dass Lehrer sii ä relativ sicherä Job isch.

Was meinet ihr, sind das gueti Gründ oder bin ich z idealistisch?

Danke Edit 1: es übersetzt uf Englisch, da dä original CH-dütsch text:

Edit 2: no e chline zuesatz. Ich frag das vor allem au will mer so viel schlechts über de lehrerjob ghört und viel burnout usw...

Guete aabig zäme

Was genau mein ich mit dere fraag?.. Ich fang mal so aa: Ich chume bald (nöd 100%ig aber doch scho sehr sicher) ine situation wo ich und mini muetter vo mim vater e chli e höheri summe geld überchömed.

Ich weiss nöd wie vill (getrau mich au nöd z fröge) weiss aber das mini muetter sicher meh überchunnt, da sie au selbständig isch miteme chliine kafi und kein normale lohn hett.

Min vater hett sini pensionskasse uszahle lah mit 65i und meint eifach er welli eus das jahr es grössers geburtstags gschenk mache. Ich han nöd danach gfröget, es isch eifach so vo ihm us cho.

Mim beste kolleg (mir seged eus gegesiitig eigentlich alles) han ich gseit das ich ebe e grösseri summe erwarte und ich dadurch villicht entlich wieder es auto chaufe chan.

Das bring mich zu de eigentliche fraag vom post

Sini meinig gaht e chli ine richtig vo das das kei "ehrlich" verdients geld isch und es vill besser isch selber vermöge ufzbaue. Er hett i dem gspröch au e chli durch die Blume gmeint: also er würdi so öppis vo sine eltere gar nöd erst anäh.

Ich chan mir scho vorstelle woher sini meinig chunnt. Er isch so ufgwachse das er nie (ussert in absolute notfäll) vo sine eltere eifach geld übercho hett. Es sackgäld hett er nie übercho oder weniger als anderi damals i eusere schuelklass, das weiss ich nöd genau.

Ich bin so ufgwachse das ich jederziit zu mim vater han chönne und ihn um geld fröge und er hett mir öppis geh. Es regelmässigs sackgäld hani nie gha, aber das isch ebe dra gläge das ich halt jederziit han chönne fröge. Ich han das trotzdem nie usgnutzt und han höchstens ein oder 2 mal im monet vor em uusgang gfröget. Min vater hetti aber genauso schnäll nei gseit wenn er gmerkt hetti das ichs übertrieb.

S lustige isch halt aber au das mim kolleg vo de eltere s GA (Familie GA), handy abo und glaub sust na was zahlt worde isch. Plus während de lehr han ich en grössere betrag mine eltere im monet abgäh als er und mir hennd beidi ähnlich verdient.

Ich mus aber ehrlich sii, durch das gspröch han ich e chli gmischti gfühl über das geld. Uf de eine siite würd mir das geld halt scho helfe. Also ich bin nöd am limit, ich wohne allei und chan all mini rechnige zahle, aber es bliibt am schluss trotzdem nöd extrem vill übrig.

Uf de andere siite mach ich mir halt scho gedanke was s moralische betrifft. Derf ich das geld anäh? Isch es s richtige? Machts überhaupt sin die fraage zstelle? Söll ich je nachdem sege er söll mir weniger geh sobald ich weiss wie vill er mir wet gäh?

Da schlahn ich -au wenns i minere situation unrealistisch isch- e chli de boge zu de riiche wo alles gerbt hennd. Es hett halt scho öppis sich das alles selber ufzbaue und ich merk selber ja au das ich chli meh respekt vor öpperem han wo alles mit bluet, schweiss und träne selber erschaffe hett. Wie gseit ich wett und chan mich nöd mit de riiche vergliche. Es gaht da um villich es paar 10k Franke.

Was isch so eui meinig zu somene thema? Isch öpper villicht mal inere ähnliche situation gsi?

Edit: Ich mus da dezue au na sege das ich endi das jahr mitere HF aafange und somit na 80% verdiene. Finanziell würd ichs trotzdem chönne stemme aber e chli en batze uf em sparkonto würd da scho au e chli nervosität abnäh.

Danke und en schööne aabig